Maika 5 - Vakavakadewa Vou kei na iVola tale eso（FNVDC12）

1Kemuni na kai Jerusalemi, ni rere ka taqaya ka tuvai ira na nomuni mataivalu! Sa buku na druadrua ni noda koro! Era sa valuta mai na i liuliu i Isireli!

Sa Yalataka na Kalou e Dua na Dauveiliutaki mai Peceliema

2 Maciu 2.6; Joni 7.42 I Peceliema Efiraca, o iko e dua na koro lailai sara e Juta, ia ka'u na vakatubura mai vei iko e dua me lewai ira na Isireli; na kawa ni nona vuvale sa semati lesu ki na dua na gauna makawa sara.”

3Ena qai biuti ira yani na nona tamata o Jiova vei ira na kedra meca me yacova ni sa sucu na luvena tagane na yalewa ka sa dodonu me vakasucu gone. Ni oti o ya, era sa na qai suka tale mai vei ira na dui wekadra o ira na Isireli era sa tiko vakabobula.

4Ni sa lako mai o koya, sa na qai mai lewai ira na nona tamata ena kaukauwa sa taka mai vei Jiova. Ena qai taqomaki vinaka na nodra tiko na nona tamata, baleta ni ra sa vakadinata na kai vuravura kecega ni sa cecere sara o koya,

5ka na kauta mai na veisaututaki.

Na Veisereki kei na Veitotogitaki

Ni ra sa kabata mai na noda vanua na kai Asiria ka ra curu basuka mai na noda bainivalu, eda na qai talai ira yani na noda i liuliu qaqa me ra la'ki vala vata kei ira — e lewe vitu na i vakatawa ka lewe walu na dauveiliutaki sa vakatikori oti.

6Vteki 10.8-11Era na qai vakayagataka na nodra i yaragi ka ra na rawa na vanua o Asiria, na vanua i Nimiroti, ka ra na vakabulai keda mai vei ira na kai Asiria ena gauna era valuta kina na noda vanua.

7O ira na vo-ni-bula vei ira na Isireli era na vaka na tegu bulabula sa vakalutuma mai o Jiova ki na veivanua e vuqa, se vaka na uca ki na i teitei. Era sa vakanuinui ga vua na Kalou, ka sega vua na tamata.

8O ira na vo-ni-bula era sa tu ena veimatanitu tale eso era na vaka na laione sa vakasasa kena voli e loma ni veikau se ena dua na i kanakana ni manumanu. A sa curuma yani na kedra maliwa na sipi, ka buturaki ira, ka basuraki ira vakamatailalai — sa sega ga na i nuinui ni ra na vakabulai rawa.

9Ena rawai ira na nona meca o Isireli ka vakarusai ira kecega.

10Sa kaya o Jiova, “Ena gauna o ya au na qai kauti ira tani na nomuni ose ka vakarusa na nomuni qiqinivalu.

11Au na vakarusa na veikoro lelevu ena nomuni vanua ka basuraka kecega na nomuni veitikotiko ni veitaqomaki vakaivalu.

12Au na vaqeyavutaka na cakaisausau o ni dau vakayagataka, ka'u na sega ni vakavoca vei kemuni e dua na daukilakila.

13Au na vakarusa kecega na matakau kei na veiduru tabu o ni dau masu kina. Sa na mudu vakadua na nomuni dau sokalou ki na veika o ni bulia ga ena ligamuni.

14Au na cavuraka laivi na duru tabu kecega ena nomuni vanua, ka'u na vakarusa na nomuni veikoro lelevu.

15Ia ena noqu cudru kaukauwa, au na sausaumi lesu vei ira na veivanua era sa sega ni vakarorogo vei au.”