1Ni rogoci keimami mai, oi kemuni na nodra i vakatawa na Isireli;
Ni vakatudaliga mai, na i liuliu ni nomuni qele ni sipi.
O ni sa dabe tiko ena nomuni dabedabe vakatui ena dela ni jerupi,
2Ni vakatakilai kemuni vei ira na Ifereimi, na Penijamini kei na Manasa;
Ni vakaraitaka mada vei keimami na nomuni kaukauwa;
Mo ni lako ga mai ka mai vakabulai keimami!
3Mo ni vakalesui keimami tale, na Kalou!
Ni vakaraitaka mai na nomuni loloma,
ka keimami na vakabulai kina!
4I Jiova na Kalou ni lewevuqa
E vakacava soti na kena dede
ena nomuni cudruva na nodra masu na nomuni tamata?
5O ni sa solia vei keimami me keimami kania
Ka gunuva e dua na bilo levu na wai ni mata.
6O ni sa laivi ira ga na veimatanitu voleka
me ra veiletitaka na neimami vanua;
Era sa vakalialiai keimami na neimami meca.
7Ni kauti keimami lesu yani, na Kalou ni lewevuqa!
Ni vakatakila vei keimami na nomuni yalololoma,
ka keimami na qai vakabulai!
8O ni a kauta mai e dua na vuni qerepivaini mai Ijipita;
O ni sa vakasava tani na veimatanitu, ka qai tea kina.
9O ni a vakasavasavataka e dua na vanua me bula kina
A sa titobu sara na vanua e curuma na wakana,
ka tete yani ki na vanua taucoko.
10A sa vakaruguta na veidelana na kena rurugu
Ka vakarugutaka na veisitari babalavu na tabana.
11Sa tete yani na tabana me yaco sara ki na Wasa Meditereni
Ka yaco sara talega ki na uciwai na Uferetisi.
12Na cava o ni basuka kina na kena bai e wavokita.
O ira kece era lako sivita era na sega ni butakoca.
13Era sa buturaka sobu na vuaka kila,
Ka ra kania na manumanu kila kecega.
14Ni gole mai vei keimami na Kalou Kaukauwa.
Ni raici keimami sobu mai lomalagi;
Ni lako sobu mai ka mai vakabula na nomuni vunivaini.
15Ni lako mai ka vakabula na vuni qerepivaini oqo o ni tea,
Na vaini gone oqo o ni a vakatubura me bula qaqa sara!
16Era sa vakama na keimami meca ka taya sobu;
Ni raici ira ena cudru ka vakarusai ira!
17Ni taqomaki ira ka maroroi ira na tamata o ni a digitaka,
Na matanitu o ni a vakatubura me bula kaukauwa!
18Keimami sa na sega ni gole tani tale mai vei kemuni;
Ni vakabulai keimami, ka keimami na vakacaucautaki kemuni.
19Ni kauti keimami lesu tale mai Jiova na Kalou Kaukauwa!
Ni vakatakila mai na nomuni yalololoma,
ka keimami na qai vakabulai.
A Sere ni SolevuVua na i liuliu ni sere: me vaka “Na Kitica.” A nei Esava.
Who We AreWhat We EelieveWhat We Do
2025 by iamachristian.org,Inc All rights reserved.
