1A qai kaya o Solomoni, Sa kaya o Jiova ni sa dautiko ena butobuto loaloa ka vavaku.
2Ia au sa tara oqo e dua na vale lagilagi me nomuni i tikotiko ka tawa mudu.
3A vakanamata na tui vei ira na i soqosoqo na Isireli ka vosa vakalougatataki ira kece; era a duri taucoko tu na i soqosoqo ni Isireli.
42Samu 7.1-13; 1Vei 17.1-12A sa kaya o koya, “Me vakarokorokotaki o Jiova na Kalou ni Isireli, o koya a vakayacora e ligana na ka e yalataka e gusuna vei, Tevita na tamaqu, ka kaya,
5‘Me vakatekivu mai na siga ka'u a kauti ira tani kina na Isireli mai na vanua o Ijipita, au a sega ni digitaka e dua na koro ena nodra veimataqali kece na Isireli me tara kina e dua na vale me tiko kina na yacaqu; ka sega talega ni digitaka e dua na tamata me turaga vei ira na noqu tamata na Isireli;
6ia ka'u sa digitaki Jerusalemi me tu kina na yacaqu, ka digitaki Tevita me turaga vei ira na noqu tamata na Isireli.’
7Ia oqo, a tu e loma i Tevita na tamaqu me tara e dua na vale ki na yaca i Jiova na Kalou ni Isireli.
8Ia a kaya vei Tevita na tamaqu o Jiova, Me vaka ni sa tu e lomamu mo tara e dua na vale ki na yacaqu, sa daumaka sara ni sa tiko e lomamu oqori;
9ia o sa na sega ni tara na vale, ia na luvemu ga, ena tara o koya na vale ki na yacaqu.’
10Ia oqo sa vakavatukanataka o Jiova na vosa ni yalayala ka a cakava; ni'u sa cabe cake ki na i tutu i Tevita na tamaqu, ka dabe ena i tikotiko vakaturaga e Isireli, me vaka a yalataka o Jiova, ia au sa tara oti na vale ena yaca i Jiova na Kalou ni Isireli.
11Ia au sa la'ki vakadabera kina na Kato ka koto kina na veiyalayalati ka a cakava o koya kei ira na Isireli.”
Na Masu i Solomoni(1Tui 8.22-53)12A tucake o Solomoni ena mata ni cabocabonisoro i Jiova, e matadra na i soqosoqo taucoko ni Isireli, a dodoka yani na ligana ruarua.
13(A cakava oti tu o Solomoni e dua na i tutu parasa, sa 2.2 na mita na kena balavu, e 2.2 na mita na kena raba, ka 1.3 na mita na kena cere; a vakadabera ena lomadonu ni lomanibai. A sa qai vakatikora na i tutu oqo, ka tekiduru sobu kina ni sa vakanamata ki na i cabocabonisoro, e matadra na lewenivanua kece i Isireli, ka sa dodoka yani na ligana ruarua vaka ki lomalagi.)
14A sa masu, ka kaya, Oi kemuni Jiova na Kalou ni Isireli, sa sega na Kalou me tautauvata kei kemuni, mai lomalagi se ena dela ni vuravura, ni o ni sa tudei tikoga ki na veiyalayalati, ka vakaraitaka tikoga na nomuni loloma tudei vei ira na nomuni tamata, o ira ka lako voli e matamuni mai na vu ni yalodra taucoko.
15O ni sa yalodina ki na nomuni vosa ni yalayala vua na nomuni tamata o Tevita; ka sa yaco vakakina edaidai na veivosa kece oqo.
161Tui 2.4Ia oqo, kemuni Jiova na Kalou ni Isireli, mo ni vakayacora mada na nomuni vosa ni yalayala tale eso vua na tamaqu o Tevita, ena nomuni a tukuna vua ni na sega ni muduki na nona kawa mai na veiliutaki vakatui e Isireli kevaka era muria vinaka na nomuni lewa me vaka na i vakarau i Tevita.
17Ena ka oqo, kemuni Jiova na Kalou ni Isireli, mo ni vakataudeitaka mada na nomuni vosa ni yalayala vei Tevita na nomuni tamata.
18 2Vei 2.6 Ia ena mai tiko vakaidina li na Kalou kei na tamata e vuravura? Raica, ena sega ni rawa me vakarurugi kemuni na lomalagi, kei na lomalagi e cake sara; ia sa qai vakacava sara mada na kena lailai sobu na vale ka'u a tara oqo!
19Ia mo ni goleva mai me donu na nona vakamamasu na nomuni tamata, kemuni Jiova na noqu Kalou, mo ni rogoca na tagi kei na masu ka cabora yani na nomuni tamata oqo vei kemuni;
20Vrua 12.11me yadra ka tadola tu na mataqu ena bogi kei na siga vaka ki na vale oqo, na vanua o ni sa yalataka ni o ni na vakatikora kina na yacamuni, me rawa ni o ni rogoca na noqu masumasu ka cabora na nomuni tamata ki na tikina oqo.
21Ia mo rogoca na nona kerekere kei na vakamamasu ni nomuni tamata, kei ira na nomuni tamata na Isireli, ni ra masu mai na tikina oqo; ia mo ni rogoca mai na nomuni i tikotiko vakaturaga mai lomalagi; ia ni o ni sa rogoca, mo ni qai vosoti keimami kina.
22Ia kevaka e caka cala e dua na tamata vua na kai nona, a sa vakabubuluitaki, ka lako mai ka mai bubului ena mata ni cabocabo ni soro ni vale oqo,
23ia mo ni qai rogoca mai lomalagi, ka cakava, ka lewai ira na nomuni tamata, ni o ni sa sauma na nona caka cala vua, ka vakamatei koya ena vuku ni nona caka cala; ka vakadonui koya sa caka dodonu, ka solia vua me vaka na nona i valavala dodonu.
24Ia kevaka era sa vakamalumalumutaki na Isireli e matadra na meca, ena vuku ni nodra i valavala ca vei kemuni, ia kevaka e ra sa vuki tale ka vakatusa na yacamuni ni ra sa vuki mai, vakamamasu ka kerekere vei kemuni ena vale oqo,
25mo ni qai rogoca mai lomalagi, ka mo ni vakalesui ira tale ki na vanua o ni a solia vei ira na nodra qase.
26Kevaka sa sogo o lomalagi, ka sega kina ni tau na uca, ena vuku ni nodra i valavala ca vei kemuni; ia kevaka era sa vakamamasu ki na vale oqo, ka vakatusa na yacamuni, ka vuki tani mai na nodra i valavala ca ni o ni sa vakararawataki ira;
27mo ni rogoca na nodra vakamamasu mai lomalagi ka mo ni bokoca na nodra i valavala ca na nomuni tamata na Isireli, ni o ni a vakavulici ira ena sala vinaka me ra muria; ka vakatauca na uca ki na nomuni vanua, o ni sa solia vei ira na nomuni tamata me nodra i votavota.
28Kevaka sa yaco na dausiga ni vanua, se veidewavi e dua na matetaka levu, se vakarusai na i teitei mai na cagilaba se qele ni vodre, se kevaka era buku druadrua na meca ena dua ga na nodra veikoro, se veitakavi na mate dewa ena kedra maliwa,
29ka sa masu ka kerekere vei kemuni e dua ga na tamata, se mai vei ira kecega na nomuni tamata na Isireli, ni ra sa dui kila yadua na nodra vakararawataki, kei na nona rarawa, ka dodoka yani na ligana vaka ki na vale oqo;
30mo ni qai rogoca mai lomalagi mai na nomuni tikotiko vakaturaga, ia mo ni bokoca ka mo ni solia vua na tamata yadua, me veiganiti kaya na nona i valavala kecega, ni o ni sa kila na lomadra yadua, ni sai kemuni duabau ga ka kila na lomadra kecega na luve ni tamata;
31me rawa ni ra vakarokorokotaki kemuni, ka me ra muria na nomuni sala, ena gaunisala kecega era bula kina ena vanua o ni a solia vei ira na neimami qase.
32E vakakina vei ira na tamata tani, ka sega ni kai vata kei ira na nomuni tamata na Isireli, ka a lako mai ena dua na vanua yawa ena vuku ni yacamuni rogo, na ligamuni kaukauwa, kei na ligamuni sa dodo tu, kevaka sa lako mai ka masu ena vale oqo,
33mo ni qai rogoca mai lomalagi ena yasana o ni sa tiko kina, ka mo ni cakava me vaka na ka kecega sa tagi kina vei kemuni na kai tani; me ra kila kina na yacamuni o ira kecega na kai vuravura, me ra rokovi kemuni, me vakataki ira na nomuni tamata na Isireli, ka me ra bau kila na vale oqo ka'u tara ni sa vakatokai ki na yacamuni.
34Kevaka era sa lako yani na nomuni tamata me ra la'ki vala kei ira na kedra meca, ena sala cava ga o ni talai ira kina, ka ra qai gole ka masu vaka ki na koro o ni a digitaka, ki na vale ka'u sa tara ena yacamuni,
35ia mo ni qai rogoca mai lomalagi na nodra masumasu kei na nodra kerekere, ka cakava na ka e vinaka vei ira.
36Kevaka era sai valavala ca vei kemuni ni sa sega na tamata sa sega ni valavala ca ia o ni sa cudruvi ira ka soli ira yani ki na kedra meca, me rau kau vakabobula ki na dua na vanua yawa, se vanua voleka;
37ia kevaka era taura matua e lomadra ena vanua ka ra kau vakabobula kina, ka veivutuni, ka vakamamasu mai vei kemuni mai na vanua era kau vakavesu kina, ka ra kaya, Kemami sai valavala ca, keimami sai valavala vakatani, ka i tovo ca;
38ia kevaka era sa veivutuni ena vu ni yalodra kei na lomadra taucoko ena vanua era tiko vakabobula kina, ni ra kau vakavesu kina, ka ra masu yani ni ra rai vaka ki na nodra vanua o ni a solia vei ira na nodra qase, ki na koro o ni a digitaka, kei na vale ka'u a tara oti tu oqo ena yacamuni;
39ia mo ni qai rogoca mai lomalagi, ena yasana o ni sa tiko kina, na nodra masumasu, kei na nodra kerekere, ka cakava na ka sa dodonu vei ira, ia mo ni qai bokoca na nodra ca na nomuni tamata e ra sai valavala ca vei kemuni.
40Ia oqo, kemuni na noqu Kalou, mo ni wanonova mai, ka vakatudaliga mai ka vakarogoca na masu sa caka ena tikina oqo.
41 Same 132.8-10 Ia oqo, mo ni cabe cake ka lako ki na nomuni vakavakacegu,
Kemuni Jiova na Kalou,
Oi kemuni kei na Kato ni nomuni kaukauwa.
Ni laiva vei ira na nomuni bete, Kemuni Jiova na Kalou
me ra vakaisulu ena veivakabulai,
Ka me ra rekitaka na nomuni loloma o ira na nomuni tamata yalo dodonu.
42Kemuni Jiova na Kalou, mo ni kakua ni vakanadakuya
Na nomuni lumuti oqo!
Mo ni nanuma tiko na nomuni loloma tudei vei Tevita na nomuni tamata.
Who We AreWhat We EelieveWhat We Do
2025 by iamachristian.org,Inc All rights reserved.
