1Sai koya oqo na vosa ni veivakalougatataki a cavuta o Mosese, na tamata ni Kalou, vei ira na Isireli ni bera ni mate yani.
2Sa lako mai Ului Saineai o Jiova;
sa cadra cake vaka na matanisiga e delai Itomi,
ka cilavi ira na nona tamata mai Ului Perana.
A sa tiko vata kaya e 10,000 na agilosi,
ka koto na yameyame ni buka ena ligana i matau:
3Sa lomani ira na nona tamata o Jiova,
ka taqomaki ira era sa nona.
Ia eda sa cuva e yavana
ka muria na nona i vakasala.
4Keimami sa muria na lawa e solia vei keimami o Mosese,
ka sai yau talei duadua ni neimami matanitu.
5Sa yaco o Jiova me nodra tui na nona tamata na Isireli,
ni ra sa soqoni vata yani na nodra veimataqali kei na i liuliu.
6Sa kaya o Mosese me baleta na mataqali i Rupeni:
“Me bula o Rupeni, ka sega ni mate,
e dina ga ni ra lewe lailai wale.”
7Sa kaya o Mosese me baleta na mataqali i Juta:
“Kemuni Jiova, mo ni rogoca na nodra tagi ni kere veivuke;
Ka vakaduavatataki ira tale kei na vo ni veimataqali.
I Jiova, mo ni vala ena vukudra;
ka vukei ira ena valuti ni kedra meca.”
8Me baleta na mataqali i Livai, a sa kaya:
“Na nomuni Cumimi kei na Urimi sa taukena
o koya o ni sa dau vakamenemenea.
O ni a vakatovolei koya mai Masa;
ka veisaqasaqa kei koya ena wai mai Meripa.
9Era sa vakatakila na levu ni nodra yalodina vei kemuni,
ka sa uasivi cake mai vei ira na nodra qase, tacidra, kei na luvedra.
Era sa muria na nomuni vakaro,
Ka yalodina ki na nomuni veiyalayalati.
10Era na vakavulici ira na nomuni tamata ena nomuni vakaro,
Ka cabora na i soro kama ena nomuni cabocabonisoro.
11I Jiova, mo ni vakaukauwataka na nodra mataqali;
Ka taleitaka na veika era cakava.
Mo ni vakarusai ira laivi kece na kedra meca;
Me ra kakua ni qai basika cake tale vakadua.”
12A sa tukuna oqo o Mosese me baleti ira na mataqali i Penijamini:
“Oqo na mataqali sa dau lomana o Jiova ka taqomaka;
Sa dau yadravi ira ena loma ni siga taucoko,
Ka tiko ena kedra maliwa.”
13A vosa o Mosese me baleta na mataqali i Iosefo:
“Me vakalougatataka o Jiova na nodra vanua ena uca,
Kei na wai mai na ruku i vuravura.
14Me kalougata na nodra vanua ena vuanikau sa dreu ena matanisiga,
Ka vutuniyau ena vuanikau taleitaki ena kedra dui gauna.
15Me ubia na nodra veidelana makawa na vuanikau digitaki.
16Me sinai na nodra vanua ena ka kecega sa vinaka,
Ka vakalougatataki ena vinaka i Jiova,
O koya sa vosa mai ena vunikau kama.
Me qai yaco mai na sautu kece oqo ki na mataqali i Iosefo,
Baleta ni a dauveiliutaki o koya vei iratou na veitacini.
17Sa tu vei Iosefo na kaukauwa ni bulumakau tagane,
Na i leu ni bulumakau yadru kila.
Na nona i liu sa i koya na udolu i Manasa
Kei na tini na udolu i Ifereimi.
A sa cumulaki ira kina na veimatanitu
Ka biligi ira yani ki na i yalayala kei vuravura.”
18Me baleta na mataqali i Sevuloni kei Isakari, sa tukuna o Mosese:
“Me sautu o Sevuloni ena nomu veivoli e wasawasa,
Ka me vutuniyau o Isakari ena nomu loma ni vale.
19E rau sa sureti ira na tamata vulagi ki na nodrau veiulunivanua
Ka vakacabora mai kea na i soro e dodonu.
E rau sa rawata na nodra i yau mai wasawasa,
Ka vakakina mai na nuku e matasawa.”
20Me baleta na mataqali i Kata, sa kaya o Mosese:
“Me vakacaucautaki na Kalou, o koya sa vakalevutaka na nona vanua.
Sa wawa toka o Kata me vaka na laione
Me basuraka e dua na liga se qavokavoka.
21Era sa taura na vanua vinaka duadua me nodra,
Na i votavota ni dauveiliutaki sa wasei me nodra.
Era a muria na i vakaro kei na lawa i Jiova,
Ena gauna era a soqoni vata kina na i liuliu e Isireli.
22A vosa o Mosese me baleta na mataqali i Tani:
“O Tani e dua na luve ni laione;
Sa lade tani mai Pasani.”
23A vosa o Mosese me baleta na mataqali i Navitalai:
“Sa vakalougatataki vakalevu o Navitalai mai na yalo vinaka i Jiova;
Sa tekivu mai na Drano o Kalili ka tete yani ki na ceva na nodra vanua.”
24Me baleta na mataqali i Aseri, sa tukuna o Mosese:
“Sa vakalougatataki vakalevu cake o Aseri mai vei ira na vo ni mataqali.
Me yaco me ka taleitaki duadua e matadratou na tacina kei na tuakana,
Ka me vutuniyau na nona vanua ena veiolive.
25Me taqomaki na nona veikoro ena matamata kaukamea,
Ka bula galala mai na leqa ena veigauna kece.
26Kemuni na Isireli, sa sega na kalou me tautauvata kei na nomuni Kalou,
sa vodo takosova na maliwa lala ena lagilagi,
ka vodo e dela ni o me vukei kemuni.
27Sa nomuni sasabai tudei na Kalou ena gauna kece sara;
na ligana tawa mudu sa tokoni kemuni ka veimaroroi.
Sa vakasavi ira na kemuni meca ena nomuni i lakolako,
ka tukuna mo ni vakarusai ira kece.
28Ena vuku ni veika oqo, era sa tiko kina na Isireli ena yalo vakacegu,
ka maroroi ena vanua sa sinai ena sila kei na waini,
ena vanua sa vakasuasuataki ena tegu mai lomalagi.
29Ena levu dina na nomuni marau na Isireli!
Sa sega ni dua me vakataki kemuni,
na matanitu sa vakabula o Jiova.
O Jiova vakataki koya sa nomuni sasabai kei na i seleiwau,
me veitaqomaki ka solia vei kemuni na qaqa.
Era na lako mai na kemuni meca ka masuta mo ni yalololoma vei ira,
ia o ni na qai butuki ira sobu.
Who We AreWhat We EelieveWhat We Do
2025 by iamachristian.org,Inc All rights reserved.
