1Sa liutaka na bose mai lomalagi na Kalou;
Sa solia na nona lewa o koya ena nodra bose na kalou.
2“Mo ni muduka na nomuni lewa tawa dodonu
Ka kakua ni vakaduiduitaki ira na tamata ca!
3Ni taqomaka na nodra dodonu na dravudravua kei na luveniyali,
Ni lewa vakadodonu sara vei ira na vakaloloma kei ira na malumalumu.
4Ni sereki ira na dravudravua kei na vakaloloma,
Ka vakabulai ira mai na nodra kaukauwa na tamata.
5“O ni sa lecaika ka lialia
Ka veilakoyaki voli ena butobuto,
Ka sa yali na lewa dodonu e vuravura.
6Au kaya vei kemuni ni ‘O ni sa kalou;
O ni sa luvena kece na Kalou sa Cecere Sara.’
7Ia o ni na mate me vaka na tamata
Ka na cava na nomuni bula me vaka ga e dua na turaga.
8Ni lako mai na Kalou ka liutaka na vuravura
Era sa nomuni na veimatanitu kecega.”
A Masu ni Kere Veivuke ena Nodra Vakadrukai na Meca i IsireliA Sere. A Same i Esava.
Who We AreWhat We EelieveWhat We Do
2025 by iamachristian.org,Inc All rights reserved.
