1 Sr 24.23 O koya na ivola ni ivunau ni Kalou,
kei na lawa tawamudu.
Koya e kabiti koya matua e na bula,
koya e biuti koya e na mate.
2Mo vuki Jekope, tauri koya,
lakova na rarama ni nona cina.
3Kua ni solia nomu lagilagi vua e dua,
se nomu isolisoli vei ira na kaitani.
4Kalougata o keda Isireli,
nida kila na ka e marautaka na Kalou.
Vakacegui o Jerusalemi5Moni yaloqaqa noqu tamata,
na ivakananumi kei Isireli!
6Oni a sega ni volitaki i na veimatanitu moni vakawabokotaki kina;
oni a soli ga vei ira na meca baleta nioni vakacudruya na Kalou.
7Oni a yavalati koya a buli kemuni,
e na nomuni vakacabo isoro vei ira na tevoro, sega vua na Kalou.
8Oni a guilecava na Kalou tawamudu a tuberi kemuni,
oni a vakatagici Jerusalemi, o koya a susugi kemuni,
9ni a raica o yalomatua nona cudruvi kemuni na Kalou,
qai kaya:
Moni rogoca na weka i Saioni,
sa vakararawataki yau vakalevu na Kalou,
10niu sa raica nodra kau vakavesu na luvequ,
e na lewa nei koya na Tawamudu.
11Au susugi ira e na marau,
au qai talaci ira e na tagi kei na rarawa.
12Me kua ni dua e marautaki yau, au sa yada,
e levu na wekaqu sara yali;
au sa vakaloloma tu e na nodra ivalavalaca na luvequ,
nira a vakanadakuya na lawa ni Kalou.
13Era beca na nona lawa,
era sega ni rogoca na ivunau ni Kalou,
se muria na sala ni yalododonu e tuberi ira kina.
14Moni lako mai na weka i Saioni,
ni nanuma na nodra vesu na luvequ e na lewa nei koya na Tawamudu,
15ni a kauta mai me vorati ira e dua na matanitu yawa,
na matanitu butobuto duatani na kena vosa,
sega ni rokova na qase se lomana na gonelailai.
16Era kauti ira tani na luvena lomani na yada,
sa mani galili tu yani kina.
17Ia o yau, meu vukei kemuni vakacava?
18O koya ga a vakavuna nomuni leqa qo,
e na sereki kemuni vei ira na kemuni meca.
19 2Es 2.2 Ni lako ra luvequ, ni lako,
niu sa biu tu mai meu vakaloloma.
20Au sa luvata na isulu ni vakacegu
meu daramaka na isulutaga ni vakamamasu;
Au na tagi vua na Tawamudu e na veisiga ni noqu bula.
21Ni yaloqaqa ra luvequ, ni tagi vua na Kalou,
e na sereki kemuni mai na ivau kei na liga ni meca.
22Au sa vakanuinui vua na Tawamudu me vakabulai kemuni,
sa mani dewa vei yau nona marau na Yalosavasava,
baleta na loloma sa vakarau vota vei kemuni nomuni iVakabula tawamudu.
23Au a talaci kemuni e na rarawa kei na tagi,
ia na Kalou e na vakasukai kemuni vei yau e na marau kei na reki tawamudu.
24Era sa raica na weka i Saioni na nomuni vesu,
era na raica qo nona vakabulai kemuni na Kalou,
ni na salavata mai na lagilagi levu
kei na serau nei koya na Tawamudu.
25Kemuni na luvequ, ni vosota na cudru qo ni Kalou.
Era sa rawai kemuni na meca,
ia oni sana raica na nodra samulaki,
oni na qai butuka na domodra.
26Era sa lakova na luvequ lomani na sala voravora; era kau tani vaka na qelenisipi era drovaka na meca.
27Ni yaloqaqa ra luvequ, ni tagi vua na Kalou,
ni na nanumi kemuni o koya a cakava vei kemuni na ka qo.
28Na gu ni yalomuni e na nomuni biuta na Kalou,
moni vakatinitaka e na nomuni vaqarai koya tale.
29O koya a kauta mai na leqa qo,
e na kauta mai na reki tawamudu e na nomuni vakabulai.
Vakayaloqaqataki o Jerusalemi30Mo yaloqaqa Jerusalemi,
ni o koya a vakatokayacataki iko e na vakacegui iko.
31Era na kalouca o ira era vakararawataki iko,
ra cibitaka na nomu vakavuai.
32Era na kalouca na koro era vakabobulataki kina na luvemu,
kalouca na koro era vakacurumi kina.
33Na levu ni nona marautaka nomu vakavuai
kei na nona rekitaka nomu vakacacani,
na levu tale ga ni nona lolositaka nona vakaloloma.
34Au na muduka nona sakitaka na levu ni lewenikoro,
e na qai vuki nona viavialevu me rarawa,
35ni na siga vica vata tiko na nona kama e na lewa nei koya na Tawamudu,
e na dede nona curumi tevoro.
36Qara i na tokalau Jerusalemi,
raica na reki ni Kalou sa lako tiko mai kina vei iko!
37Raica, era sa levu mai na luvemu o a vakatalai ira,
era sa soqoni mai na veiyasana e na lewa nei koya na Yalododonu;
ra marautaka tiko na lagilagi ni Kalou.
Who We AreWhat We EelieveWhat We Do
2025 by iamachristian.org,Inc All rights reserved.
