1Na ka au kaya tiko e dina; au sa nei Karisito ka'u sa sega ni lasu, sa vakadinadinataka mai na noqu lewa e loma ena cakacaka ni Yalo Tabu ni'u sa sega ni lasu.
2Sa ka levu dina na noqu rarawa, ka sega ni oti rawa na mosi ni yaloqu me baleti ira na kai noqu, o ira na tiki ni yagoqu ka noqu dra dina!
3E vinaka cake vei au me a tau vei au na cudru ni Kalou ka'u tawasei tani mai vei Karisito kevaka e rawa ni ra vukei kina.
4Sa i ira na tamata digitaki ni Kalou. Sa okati ira o koya me ra luvena ka a vakaraitaka vei ira na nona i serau lagilagi. E a cakava talega na nona veiyalayalati kei ira, ka solia vei ira na Lawa. Era sa kila talega na sala dodonu ni nona qaravi ka sa nodra talega na vosa ni yalayala.
10Ia e sega ni o koya walega o ya: ni sa yaco talega na mataqali ka vakaoqo vei Repeka ena nona kunekunetaki rau na luvena tagane mai vua e duabulu na tama, na noda qase o Aisake.
11Ia me rawa ni vakaraitaki kina ni sa digidigi sara ga ni Kalou vakaikoya ka sega ni a veikacivi ena vuku ni cakacaka sa cakava e dua vei rau na gonetagane,
12a sa kaya kina Kalou vei tinadrau: “Ena dau qaravi koya e gone o koya ka qase.” (A sa kaya oqo ni rau se bera ni sucu, ka sega ni se dua vei rau me cakava e dua na ka vinaka se ka ca.)
14Ia a cava me da qai kaya? Sa sega beka li ni dodonu na Kalou? E sega sara.
15Ni a kaya vei Mosese o koya, “Au na yaloveivosoti ga ki vua au sa yalololoma kina ka'u na yalovinaka vei koya au sa via yalovinaka vua.”
22Sa vakakina na Kalou ena ka e sa cakava. Sa vinakata me vakaraitaka na nona cudru, ka vakatakila talega na nona kaukauwa. Ia sa vosoti ira vakadede ga na tamata sa cudruvi ira o koya, o ira sa vakarau vakarusai.
26Kei na vanua sara ga sa tukuni kina vei ira, ‘O ni sa sega ni noqu tamata,’
Era na vakatokai kina me ra luve ni Kalou bula.”
27Sa kacivaka o Aisea na veika me baleti Isireli: “Kevaka sara mada ga era lewe levu me vaka na mata ni nuku ena matasawa o ira na Isireli, ia ena lewe vica ga vei ira na vo-ni-bula ena vakabulai;Na Masu i Paula me Baleti Isireli
30Sa i koya oqo na lewe ni ka keitou kaya tiko: O ira na kai matanitu tani era a sega ni saga me ra vakadonui, sa vakadonui ira oqo na Kalou ena vuku ni vakabauta.
31Ia o ira na Isireli, era vakasaqara tiko eso na lawa me vakadonui ira kina na Kalou, ka ra sa sega tikoga ni kunea.
32A cava era sega tikoga kina ni kunea? Baleta ni ra vakararavi tikoga ki na nodra sasaga vakai ira ka ra sega ni yavutaka na nodra cakacaka ena vakabauta. Era sa tarabe ena vatu ni veivakatarabetaki,
33e kainaki toka kina ena i Vola Tabu:
“Raica, au sa vakotora toka mai Saioni e dua na vatu,
Ena vakatarabetaki ira na tamata;
E dua na vatu era na tacaqe kina.
Ia o koya ena vakabauta ena sega ni vakamaduataki!”
Who We AreWhat We EelieveWhat We Do
2025 by iamachristian.org,Inc All rights reserved.
