1Ni marau oi kemuni kece na yalododonu
Ena vuku ni ka sa cakava o Jiova;
Ni vakacaucautaki koya oi kemuni kece o ni talairawarawa vua.
2Ni vakavinavinaka vei Jiova ena api
Ni sere vua ena i vakatagi vakawa.
3Seretaka vua e dua na sere vou,
Ni qiria vakavinaka na api ka laga sere vakadomoilevu!
4Sa dina na vosa i Jiova
Ka sa tudei na veika kecega e vakayacora.
5Sa lomana o Jiova na ka vinaka ka dodonu;
Sa vakasinaiti na vuravura ena nona loloma tudei.
6Sa bulia na matanisiga, na vula kei na kalokalo
Ena nona vosa ga.
7Sa binia vata na wai ni wasaliwa ena dua na yasana,
Ka maroroya na wasa titobu ena valeniyau.
8Ni rerevaki Jiova, na vuravura taucoko!
Ni rerevaki koya, na tamata kecega e vuravura!
9Ni sa vosa ga, sa buli sara na vuravura;
Ka sa rairai mai na ka kecega ena nona i vakaro.
10Sa vakadaroya na nodra i naki na veimatanitu o Jiova,
Ka sa tarovi ira me ra kakua ni cakava na veika era nanuma.
11Ia, sa tudei ga na nona i naki ka sega ni mudu,
Ena sega talega ni takali rawa na veika sa nakita.
12Sa kalougata na matanitu sa nona Kalou o Jiova;
Era na kalougata na tamata sa digitaki ira o koya me ra nona.
13Sa rai sobu mai o Jiova mai lomalagi,
Ka raici ira na tamata kecega.
14Sa rai sobu mai o koya
mai na vanua e vakataulewataki mai kina,
Me raici ira kece era tiko e vuravura.
15Sa bulia kecega na ka era vakasamataka,
Ka kila na veika kece era cakava.
16 Ud 9.7; 1M 3.19 Sa sega ni qaqa e dua na tui ena vuku ni nona mataivalu qaqa;
E sega ni qaqa e dua na sotia ena vuku ni nona kaukauwa.
17Sa sega ni yaga na ose me rawa kina na qaqa;
E sega ni rawa ni veivakabulai na nodra kaukauwa levu.
18Na mata i Jiova sa dau wanonovi ira era sa rerevaki koya,
O ira era sa nuitaka na nona loloma tudei.
19Sa vakabulai ira mai na mate,
Ka maroroi ira mai na dausiga.
20Keimami sa vagolea na neimami vakanuinui vei Jiova,
Sa i koya sa dau vukei keimami ka taqomaki keimami.
21Keimami a marau ena vukuna,
Ka vakadinata na yacana tabu.
22Me qai tiko ga kei keimami na nomuni loloma tudei,
Ni keimami sa nuitaki kemuni, i Jiova.
Who We AreWhat We EelieveWhat We Do
2025 by iamachristian.org,Inc All rights reserved.
