Same 112 - Vakavakadewa Vou kei na iVola tale eso（FNVDC12）

Na Marau ni Tamata Vinaka

1Me vakacaucautaki o Jiova!

Sa kalougata na tamata sa rerevaki Jiova,

Ka sa taleitaka me vakayacora na nona i vakaro.

2Era na kaukauwa na nona kawa e vuravura;

Era na kalougata na nona kawa na tamata yalododonu.

3Na nona vuvale ena sautu ka vutuniyau,

Ka na sega ni mudu na nona tiko vinaka.

4Sa basika ga na rarama ena tikina butobuto vei ira na yalododonu,

Vei ira era sa yalovinaka, yalododonu, ka i tovo vinaka;

5Sa kalougata na tamata dausoli ka ena yalovinaka,

Ka sa qarava ena yalodina na nona cakacaka.

6Ena sega ni yavalati rawa na tamata vinaka,

Ka na sega ni guilecavi o koya.

7Ena sega ni rere o koya ni rogoca na i tukutuku ca;

Sa tudei na nona vakabauta ka sa vakadinati Jiova o koya.

8Sa sega ni nuiqawaqawa se rere o koya,

Sa yalo dei ni na raica na nodra druka na kena meca.

9Sa soli ka vakalevu vei ira na dravudravua,

Ka sa sega ni mudu na nona yalovinaka;

Ena qaqa ka dokai o koya.

10Ena raica na ka oqo na tamata ca ka na cudru kina,

Ena kati bati, ka na takali yani,

Na ka era gadreva na tamata ca ena sega ni yaco.