Lako Yani 20 - Vakavakadewa Vou kei na iVola tale eso（FNVDC12）

Na i Vunau e Tini(Vrua 5.1-21)

1A sa cavuta o Jiova na veivosa kece oqo:

2“Sai au o Jiova na nomuni Kalou, ka'u a kauti kemuni tani mai na vanua o Ijipita, mai na vanua ni veivakabobulataki.

3Mo ni kakua ni sokalou vua e dua tale na kalou, ia vei au duadua ga.

4Mo ni kakua ni bulia me nomuni kalou na i vakatakarakara eso ni dua na ka mai lomalagi e cake, se dela i vuravura e ra, se mai na loma ni wai e rukui vuravura. era sa lomani au ka muria na noqu lewa.

7Mo ni kakua ni vakayagataka na yacaqu ena i naki cala, ni na cudruva o Jiova na nomuni Kalou na tamata yadua sa vakayagataka vakatawadodonu na yacana.

8Mo ni nanuma na Siga ni Vakacecegu ka vakatabuya.

12Mo dokai rau na tamamu kei na tinamu me balavu kina na nomu veisiga sa solia vei iko o Jiova na nomu Kalou.

13“Mo kakua ni laba.

14“Mo kakua ni veibutakoci.

15“Mo kakua ni butako.

16“Mo kakua ni beitaki ira vakailasu na kai nomu.

17“Mo kakua ni kocova na vale nei wekamu, se na watina, se na nona tamata cakacaka, se manumanu, se dua na ka e taukena na wekamu.”Era sa Rere na Tamata(Vrua 5.22-33)

18Ia ni ra raica na tamata na livaliva kei na kubou ena ulunivanua, ka vakila na vakuru ni kurukuru kei na rorogo ni davui era a rere vakalevu ka sautaninini ka ra tu vakayawa,Ipe 12.18-19

19ka kaya vei Mosese, “Mo vosa ga mai vei keimami, keimami na rogoca, ia me kakua ni vosa tale vei keimami na Kalou de keimami na qai mate.”

20A sa kaya vei ira na tamata o Mosese, “Ni kakua ni rere, ni a lako wale ga mai na Kalou me mai vakatovolei kemuni, ka teivaka ki lomamuni na yalo ni rerevaki koya ka mo ni kakua ni valavala ca kina.”

21Era a tu vakayawa na tamata, ni a toso voleka o Mosese ki na vanua butobuto sa tu kina na Kalou.

Lawa me Baleta na i Cabocabonisoro

22A sa vakaroti Mosese o Jiova me kaya vei ira na Isireli, “O ni sa raica e matamuni ni'u a vosa vei kemuni mai lomalagi.

23Mo ni kakua ni cakava na kalou siliva se kalou koula mo ni cuva kina, me i kuri ni nomuni qaravi au.

24Mo ni cakava vei au na i cabocabonisoro sa caka ena qele, ka vakacabora vei au na nomuni i soro kama kei na i madrali ni veivinakati, na sipi, kei na bulumakau, ena veivanua kecega, ka'u sa laiva na yacaqu me'u nanumi kina, au na lako mai kina me'u vakalougatataki kemuni.

25Ia kevaka o ni cakava vei au na i cabocabonisoro sa caka ena vatu, mo ni kakua ni tara ena vatu sa ta; baleta ena gauna e vakayagataki kina na i yaya ni ta vatu ena vatu oqori, o ni sa vakadukadukalitaka.Vrua 27.5-7; Josua 8.31

26Kakua ni cakava vei au e dua na i cabocabonisoro e gadrevi kina na i kabakaba, me kakua kina ni vakatakilai na nomuni luvawale ena gauna o ni muria cake kina na i kabakaba.