1Au a raica tale e dua na raivotu. Au raica kina e va na qiqinivalu ni ratou basika mai na tadrua ni rua na ulunivanua parasa.
2Vtaki 6.4; Vtaki 6.5Na i matai ni qiqi e ratou a dreta tiko na ose damudamu, na i karua e ratou a dreta tiko na ose loa,
3Vtaki 6.2na i katolu o iratou na ose vulavula, ka ratou dreta tiko na i kava ni qiqi na ose tavutonotono.
4Au a qai taroga na agilosi, “A cava saka beka na kedratou i balebale na qiqinivalu oqo?”
5 Vtaki 7.1 A sauma o koya, ka kaya, “Oqo na matanicagi e va. E ratou se qai lesu tikoga mai oqo ena mata ni Turaga ni vuravura kecega.”
6Na qiqinivalu ka dreta tiko na ose loaloa sa lako ki na vualiku, ki Papiloni; o iratou na ose vula e ratou lako tiko ki na ra; ka ratou sa lako ki na vanua mai na ceva na ose tavutonotono, ia o iratou na ose damu e ratou gole tiko ki na tokalau.
7Era a sega ni tu vakadua rawa na ose ena nodra gu me ra la'ki vakaraica na vuravura. A qai kaya na agilosi, “Ni lako ka la'ki vakadikeva mada na vuravura.” Era sa qai lako yani.
8A sa qai kaci mai vei au na agilosi, ka kaya, “O iratou na ose ka lako ki na vualiku ki Papiloni e ratou sa vakamalumutaka na cudru i Jiova mai kea.”
Vakaisalataki Vakatui o Josua9Na i tukutuku oqo sa solia vei au o Jiova:
10E a kaya o koya, “Mo taura na nodratou i loloma na i lawalawa sa lesu mai na tiko vakabobula — o Elitai, o Topaija kei Jitaia — ka ratou se qai lesu ga mai oqo mai Papilonia; ka lako vakatotolo sara yani ki na vale i Josaia na luve i Sefanaia ena siga vata ga.
11Mo vakayagataka na siliva kei na koula e ratou a solia ka cakava kina e dua na i sala koula, ka vakaisalataka kina na Bete Levu o Josua na luve i Josateki.
12Jere 23.5; 33.15; Saka 3.8Tukuna vei Josua ni sa kaya vakaoqo o Jiova ni lewevuqa, ‘Oqo na tamata sa vakatokai me yacana Na Tabana: ni na vakateteva na tabana (ni sa vuavuai) ena vanua sa vakatikori kina, ka na tara vou tale na Valenisoro i Jiova o koya.
13O koya ga ena tara na vale i Jiova ka nona talega na vakarokoroko sa nona na tui. Ena qai dua na bete ni nona i tikotiko vakatui, ka rau na cakacaka vata ena veilomani kei na duavata.’
14Na i sala koula ena dau i vakananumi ena Valenisoro me baleti iratou o Elitati, o Topaija, o Jitaia kei Josaia.”
15Era na qai lako mai o ira era sa tu vakayawa me ra mai veivuke ena tara vou tale ni Valenisoro i Jiova. Ia ni sa tara oti, o ni sa na qai kila kina ni a talai au yani vei kemuni o Jiova ni lewevuqa Ena yaco dina na ka kecega oqo kevaka e taucoko sara ga na nomuni talairawarawa ki na i vakaro kecega i Jiova na nomuni Kalou.
Who We AreWhat We EelieveWhat We Do
2025 by iamachristian.org,Inc All rights reserved.
