1Era nanuma cala, era kaya lo, “Noda bula e lekaleka, vutu ni rarawa, e sega na iwali ni mate, e sega tale ga me bau rogo e dua me suka mai Etesi.
2Eda a sucu vakacalaka; ni sa cava na bula qo, e na vaka ga eda a sega ni bau bula, baleta ni icegu e ucuda e kubou wale, noda vakasama na lidi ni buka e waqari e na tatuki ni utoda.
3Ni sana boko, sana dravusa wale na yagoda, e na cagi wale na yaloda.
4Lakolako e na guilecavi na yacada, e na sega ni dua e nanuma noda cakacaka; e na seyavu noda bula me vaka na o, se vaka na kabu e na katakata ni matanisiga.
5Na gauna e votai vei keda, e vuka vaka na keda iyaloyalo; e sega na lesu bula mai na mate, baleta, ni sogo na kena katuba, e sega ni dua e suka.
6 Aisea 22.13; 1Kori 15.32 “Da mai marautaka mada gona na veika vivinaka, da vakayagataka vinaka ga na veikabuli me vaka na noda se gone.
7Da sorova na gunu waini saulevu, da sasauni e na sede boiyawa. Da kua ni calata e dua na senikau ni vulaitubutubu.
8Da vakaitekiteki e na senirosi ni bera ni malai.
9Me kua ni dua vei keda e calata na malaude, me kilai e na veivanua na noda marau, ni noda ivotavota qo.
10Da bikai ira na dravudravua yalododonu, da kua ni lomani ira na yada se doka na ulusikoa.
11Noda kaukaua ga me lawa ni dodonu, ni ka e malumalumu e sega na betena.
12“Da namaka na tamata yalododonu, ni vakasosataki keda, e saqata noda ivalavala; e vunauci keda nida cala vakalawa, beitaki keda nida cala e na itovo eda tuberi kina.
13E kaya ni kila na Kalou, vakatokai koya me luve ni Turaga.
14Sa mai vakacala noda vakasama;
15nida raici koya ga e tarabi vei keda, ni nona ivakarau ni bula e sega ni vakataki ira na so, e duatani tu nona itovo.
16E dau beci keda sara ga, e cata noda itovo, ni boi ca vua; e vunautaka nira na tini marau na yalododonu, e raqataka voli ni tamana na Kalou.
17Da raica mada se dina nona vosa, da vakadinadinataka se na tini vakacava nona bula;
18ke luve ni Kalou na tamata yalododonu, e na vukei koya, e na sereki koya vei ira na kena meca.
19Da vakatovolei koya mada e na veiru kei na veivakatotogani me macala kina nona yalomalua, kei na nona yalovosota.
20Da lewai koya me mate vakasakasaka, ni kaya o koya ni na taqomaki.”
21A vaqori nodra vakasama, ia era a sese tu, ni vakamatabokotaki ira nodra ivalavalaca;
22era sega ni kila na inaki vuni ni Kalou, se nuitaka na isau ni yalododonu, se kila na icovi ni yalosavasava.
23Vteki 1.26,27A bulia na Kalou na tamata me kua ni vuca, merau veiucui tawamudu,
24ia na lomaca ni tevoro, sa sobuti vuravura kina o mate, era na vakila sara ga nona ito.
Who We AreWhat We EelieveWhat We Do
2025 by iamachristian.org,Inc All rights reserved.
