1A sa qai sauma o Jope na vosa i Jiova, ka kaya,
2Au sa kila, kemuni Jiova, ni o ni sa rui kaukauwa;
Ka rawa mo ni cakava na ka kecega o ni vinakata.
3 Jope 38.2 O ni a taroga se'u doudou rawa vakacava
Me'u vakataroga na nomuni vuku
Ni sa rui levu tu mada ga na noqu lecaika.
Au a tukuna na veika au sega ni kila,
Me baleta na veika veivakurabuitaki sa dredre me'u kila rawa.
4 Jope 38.3 O ni a tukuna vei au me'u vakarorogo mada ka mo ni vosa,
Ka qai tovolea me'u sauma na nomuni taro.
5Au sa rogoci kemuni ena daligaqu,
Ia oqo sa qai raici kemuni na mataqu.
6O koya oqo au sa vakayalomalumalumutaki au kina,
Ka lesu tale ki na kuvu ni qele kei na dravusa.
Na Kena i Tinitini7Ni sa vosataka oti vei Jope na ka kecega oqo o Jiova, sa qai kaya vei Ilivasi, Au sa cudruvi iko vata kei rau na nomu i tokani, baleta ni dou a sega ni tukuna na ka dina e baleti au, me vaka sa cakava o Jope, na noqu tamata.
8Dou kauta sara oqo vei Jope e vitu na bulumakau tagane kei na vitu na sipi tagane ka la'ki vakacabora me nomudou i soro. Ena qai masulaki kemudou o Jope, ka'u na sauma na nona masu ka'u na sega ni vakamaduataki kemudou me vaka na ka e rauta me caka vei kemudou. O dou a sega ni tukuna na ka dina e baleti au me vaka na ka sa cakava o koya.
9E ratou sa qai cakava na lewe tolu, o Ilivasi, o Vilitati kei Sofa, na ka sa tukuna vei iratou o Jiova me ratou cakava, ka sa qai sauma o Jiova na masu i Jope.
10 Jope 1.1-3 Ia ni masulaki iratou oti na nona i tokani o Jope, sa qai vakavutuniyautaki koya tale o Jiova ka vakaruataka vua na levu ni nona i yau e liu.
11E ratou a qai mai sikovi koya na tacina, na ganena kei ira na nona veikilai makawa ka ra mai kana vata sara kei koya ena nona vale. Era a tusanaka vua na nodra lomani koya vakalevu ka ra vakacegui koya mai na lewa kecega sa vakayacora vua o Jiova. Era a dui solia vua e tau yadua na mama koula kei na so na i lavo.
12A qai vakalougatataka vakalevu cake sara o Jiova na bula i Jope ena gauna e muri mai na kena sa cakava vua ena i matai ni gauna. A qai taukena tale o Jope e 14,000 na sipi, e 6,000 na kameli, e 2,000 na bulumakau, kei na 1,000 na asa.
13A qai vitu tale na tagane ka tolu na yalewa era luve i Jope.
14E a vakayacana o Jope na luvena yalewa ka qase duadua me o Kesaia, kei koya na i katolu me yacana o Kereni Apuka.
15E sega sara ni dua tale na yalewa ena vuravura taucoko me rairai vinaka me vakataki iratou na luve i Jope. A qai vota talega vei iratou o tamadratou e dua na i wase ni i yau me vaka sa cakava vei iratou na ganedratou.
16Mai na gauna o ya, a qai bula tale tiko o Jope ka 140 na yabaki, ka gauna balavu vinaka sara me bula donui ira tale na makubuna kei ira na makubuna vakarua.
17A sa mate o Jope ni sa balavu vinaka na nona bula ka sa qase sara.
Who We AreWhat We EelieveWhat We Do
2025 by iamachristian.org,Inc All rights reserved.
