1Kua ni domona nomu iyau, se tukuna, “Au sa rawati yau.”
2Kua ni muria na lomamu se nomu igu e na nomu vakayacora na gagadre ni yalomu.
3Kua ni kaya, “O cei e na lewai yau?”, ni na kuitataki iko dina na Turaga.
4 Dvu 8.11 Kua ni kaya, “Au a cala, na cava sa yaco vei yau?”, ni dau cudru berabera na Turaga.
5Kua ni nuidei nio na vosoti, mani binia kina na ivalavalaca.
6Kua ni kaya, “E vakaitamera nona loloma, e na vosota na ibinibini cala e tiko vei yau”,
ni tu ruarua vua na loloma kei na cudru me tauci ira na valavalaca.
7Me kua ni bera nomu goleva na Turaga, kua ni dau lokuyara;
e na tau vakasauri na cudru ni Turaga; e na gauna ni totogi, o na mate sara.
8Kua ni nuitaka na iyau e rawa e na veidabui, e na sega ni yaga e na siga ni rusa.
Yalodina kei na yalomalua9Kua ni vakacagi raisi e na cagi cava ga; kua ni muria na sala kece; qori na ivakarau ni dauvalavalaca veidabui.
10Mo dei e na nomu vakabauta, dina tu ga e na nomu vosa.
11Me totolo na daligamu, berabera nomu vosa.
12Sauma ga na taro keo kila na ka o tukuna tiko; ke sega, tiko lo.
13Na rogo kei na beci e vu ruarua mai na vosa, na gusuda e rawa ni vakaleqai keda.
14Kua ni kainaki nio dau kakase, se me veicoriti na yamemu,
ni na madua o daubutako, o daulasulasu e na vakalewai vakaca.
15Kua ni lecaika e na veika lelevu se na veika lalai; kua ni veimecaki, mo veitokani ga.
Who We AreWhat We EelieveWhat We Do
2025 by iamachristian.org,Inc All rights reserved.
