Vunau ni Soro 18 - Vakavakadewa Vou kei na iVola tale eso（FNVDC12）

Valavala ni Veimoceri e Vakatabui

1Sa tukuna vei Mosese o Jiova

2me tukuna vei ira na Isireli na vosa oqo, “Ni sai au o Jiova na nomuni Kalou.

3Mo ni kakua ni muria na i valavala ni vanua o Ijipita, na vanua o ni a tiko taumada mai kina, ia mo ni kakua talega ni kitaka na i valavala ni vanua o Kenani, na vanua au sa kauti kemuni tiko kina oqo.

4Mo ni cakava ga na noqu lewa, kei na noqu i lesilesi mo ni vakabauta ka muria. Ni sai au o Jiova na nomuni Kalou.

5Mo ni vakamuria na i vakarau ni bula kei na noqu lawa au sa solia vei kemuni, ka o ni na maroroya kina na nomuni bula. Sai au o Jiova.”

6Sa vakarota o Jiova na veivakaro oqo. Me kakua ni dua vei kemuni me veiyacovi kei na dua vei ira na wekana voleka.

7Mo kakua ni vakamaduataki tamamu ni o mocera na tinamu. E sega ni dodonu mo vakamadualaka na tinamu dina.

8Mo kakua ni vakamadualaki tamamu ni o mocera e dua vei ira na watina lalai; ena beci kina o tamamu.

9Mo kakua ni mocera na ganemu, na luve i tamamu, se luve i tinamu sa sucu mai na nomudou vale, se sucu tani.

24Mo ni kakua ni vakadukadukalitaki kemuni ena dua vei ira na veika oqo, ni ra sa vakadukadukalitaki ira vakaoqo o ira na veimatanitu ka'u na vagalalataki ira tani e matamuni.

25Ena ka oqo e sa vakadukadukalitaki kina na vanua; ka'u sa cudruva kina na vanua ena vuku ni nona i valavala ca, ka sa luaraki ira tani na vakaitikotiko kina.

26Mo ni vakabauta na noqu i vunau kei na noqu lewa, ka mo ni kakua ni kitaka e dua vei ira na veika vakasisila oqo; se o ni taukei se tamata vulagi sa tiko vei kemuni;

27ni ra sa cakava na veika vakasisila oqo o ira na tamata ka ra a tiko e liu vei kemuni, ka ra sa vakadukadukalitaka na vanua;

28de na qai luaraki kemuni talega na vanua, ni o ni sa vakadukadukalitaka, me vaka a luaraka na matanitu era a tiko kina e liu vei kemuni.

29Ia o ira kecega era kitaka na veika vakasisila oqo era na muduki tani ka sega ni okati me ra tamata ni Kalou.

30Mo ni vakabauta na noqu vunau, mo ni kakua ni kitaka na i valavala vakasisila oqo a caka e liu ni bera ni o ni yaco kina, mo ni kakua ni vakadukadukalitaki kemuni kina: Sai au oqo o Jiova na nomuni Kalou.