1Kemuni na Kalou, sa dodonu ga mo ni vakacaucautaki mai Saioni,
Ka me keimami maroroya na neimami yalayala vei kemuni,
2Baleta ni o ni sa dau sauma na masu.
Era na lako mai vei kemuni na tamata ni veivanua kecega
3Ena vuku ni nodra i valavala ca.
Sa vakadrukai keimami na neimami i tovo ca,
Ia, o ni sa vosoti keimami ga.
4Era sa kalougata na tamata o ni sa digitaka
O ira sa kau vakavoleka mai me ra tiko ena nomuni vale tabu.
5O ni sa dau sauma na neimami masu
mai na nomu dausolia na qaqa ena i valu,
Ka dau vakayaco-ka me keimami vakabulai kina.
Na tamata ena dela i vuravura taucoko
Kei ira mai na wasa era tu yawa sa vakadinati kemuni.
6O ni sa vakatura na veiulunivanua ena dui kedra i tutu
ena nomuni kaukauwa,
Me vakaraitaka na nomuni kaukauwa levu.
7O ni sa vakamaravutaka na seuseua ni wasawasa
Kei na rorogo ni vadugu ni veibiau,
O ni sa vakamaravutaka talega na nodra maue na tamata.
8Sa domobula na vuravura taucoko,
Baleta na veika lelevu o ni sa vakayacora.
Sa vakavuna na kaila ni marau na nomuni cakacaka,
Mai na dua na yasa i vuravura me yaco ki na yasana kadua.
9O ni sa vakaraitaka na nomuni kauwaitaka na vuravura
Ena nomuni vakatauca na uca;
O ni sa vakavutuniyautaka na qele ka vakabulabulataka.
Sa sega ni bau maca na uciwai o ni sa solia mai;
Sa solia ki na vuravura na i tei.
Sa i koya o ya na ka o ni sa cakava:
10O ni sa vakatauca vakalevu na uca ena veivanua sa siviyara tu,
Ka vakasuasuataka ena wai;
O ni sa vakasuasuataka na qele ena uca
Ka vakavuna me ra tubu mai na kau lalai.
11O ni sa vakavuna me vuavuai vinaka sara na i teitei.
Io, sa sautu ga na vanua kecega o ni sa lako kina.
12Sa robo sara na vanua veico ena qele ni manumanu;
Sa sinai ena marau na veiyasa ni ulunivanua.
13Sa robota na vanua veico taucoko na sipi,
Ka sa sinai na veibuca ena witi;
Era sa kaila ga ka laga sere ena marau na ka kecega.
A Sere ni Vakamolimoli kei na VakavinavinakaVua na i liuliu ni sere. A Sere. A Same.
Who We AreWhat We EelieveWhat We Do
2025 by iamachristian.org,Inc All rights reserved.
