1Na rogo ca e noda kina na madua kei na beci, me vaka e dau nodra na dau valavalacaveidabui.
2Kua ni dokadokai iko de qai kakabasubasu na yalomu me vaka e cumuraka na yadru.
3O na kania na draumu, vakacacana na vuamu, qai vo ga na vunikau madu.
4Na ca ni yalo e na leqa kina o yaloca, e na nodra ivakalasa kina na kena meca.
Veitokani5Na domo e tau malua, e tubu kina na veitokani; na vosa rakorako, e saumi vakadrau.
6Mera lewe levu na nomu ito, nomu daunivakasala ga me dua vei ira na udolu.
7Ni sa dua nomu itokani, vakatovolei koya mada, kua ni rui nuitaki koya sara,
8ni so era na nomu itokani ga ni draki vinaka, e na gauna ni leqa e na dro.
9E dua na nomu itokani, e na kemu meca tale, qai tukuna nomudrau veiba mo madua kina.
10E dua na nomu itokani drau dau kana vata, e na gauna ni leqa e na dro.
11Nio tiko vinaka, e na kemu ikarua, e na lewai iratou nomu dauveiqaravi.
12Nio caroba ga, e na drovaki iko, e na vunitaki iko.
13Mo yawaki ira na kemu meca, o qarauni ira na nomu itokani.
14Na itokani yalodina na ivakaruru dei; o koya sa kunea, sa dua na nona iyau talei.
15Na itokani yalodina na iyau dredre duadua, e sega ni vakarautaki rawa na kena uasivi.
16Na itokani yalodina na wai ni bula, koya e doka na Turaga e na kunei koya.
17O koya e doka na Turaga, e na vakaitokani vinaka, nira na ucui koya.
Vuli vei Yalomatua18Na luvequ, mo qacoya na vuli nio se gone, o na qai kunea tiko na yalomatua me yacova nio sa qase.
19 Jeme 5.7,8 Mo guta na yalomatua me vaka na dausiviyara kei na daukakaburaki, mo qai waraka na matua.
E na nomu qarava, o na buno mada vakalekaleka, vakalailai o na qai tauca na vuana.
20E voravora o yalomatua vei ira era tabuvuli; era na sega ni kabiti koya na lialia.
21E na bikai ira me vaka na ivatui; era na biuta laivi vakatotolo.
22O yalomatua e tukuni koya ga; e sega ni lewe levu era kunea.
23Vakarorogo luvequ, ciqoma noqu lewa, kua ni cata noqu vakasala.
24Mo daramaka i na qaniyavamu, cola na kena duata.
25Mo colati yalomatua, kua ni cata na nona ivesu.
26Torovi koya e na yalomu taucoko, muria na nona ivalavala e na nomu igu taucoko.
27Vaqarai koya, e na vakaraitaki koya vei iko; nio sa toboki koya, kua ni sereka.
28O na qai vakila na vakacegu e solia, e na vu ni nomu marau.
29Na nona ivesu e na taqomaki iko matua, nona duata e na nomu isulu lagilagi.
30Nona duata na iukuuku koula, nona ivesu na wa karakarawa.
31O na daramaki koya me isulu lagilagi, tokara me isala ni marau.
32Luvequ, e rawa nio vuli keo vinakata; keo qacoya, o na vuku kina.
33Keo makutu na vakarorogo, o na kilaka; keo vakatudaliga, o na yalomatua mai.
34Lakova nodra bose na qase, koya e yalomatua mo kabita.
35Mo makutu na rogoca na veivosaki vakalou, katona matua na ivosavosa vuku o rogoca.
36Keo raica e dua na vuku, sou yani vua; dau kakalawaca nona ilago.
37 Jeme 1.8; Same 1.2 Vakasamataka na lawa ni Turaga, dau dikeva e lomamu nona ivakaro.
O koya ga e na vakararamataka na lomamu, e na qai nomu na yalomatua o gadreva.
Who We AreWhat We EelieveWhat We Do
2025 by iamachristian.org,Inc All rights reserved.
