1Ni lomani keimami saka na Turaga na Kalou levu ni veivakabulai, ni raici keimami;
2mera rerevaki kemuni na veimatanitu.
3Ni laveta na ligamuni vei ira na veimatanitu tani mera raica na nomuni sau.
4Me vaka oni sa taurivaki keimami moni vakaraitaka kina vei ira na nomuni yalosavasava,
ni vakayagataki ira qo vakina moni vakaraitaka kina vei keimami na nomuni raravisa.
5Mera kilai kemuni me vaka na neimami sa kila ni sega tale e dua na Kalou, o kemuni duadua na Turaga.
6Ni solia na ivakatakilakila vovou, ni caka mana tale me qaqa lagilagi na ligamuni imatau.
7Me waqa mada na nomuni cudru me vakawabokotaki ira na meca.
8Ni vakatotolotaka na gauna lokuci mera dau veitalanoataka na tamata na nomuni cakacaka vakaitamera.
9O koya e dro bula, me sotava na nomuni cudru waqawaqa, mera kawaboko o ira era vakararawataki ira na nomuni tamata.
10Ni qaqia na uludra na iliuliu ni meca era kaya, “E sega ni dua tale, o keimami ga.”
11Ni vakasoqoni ira kece na yavusa i Jekope, solia vei ira na nodra ivotavota me vaka e liu.
12Ni lomana saka na matatamata era kilai e na yacamuni, ni lomani Isireli, o koya oni vakatoka me nomuni ulumatua.
13Ni lomana na koro ni nomuni vale tabu, ni lomani Jerusalemi na nomuni itikotiko.
14Ni vakasinaiti Saioni e na marau ni nomuni cakacaka talei, ni vakasinaita na nomuni valenisoro e na nomuni lagilagi.
15Ni vakadinadinataki ira oni a buli ira e na ivakatekivu, ni vakayacora na parofisai a cavuti e na yacamuni.
16Ni saumi ira era namaki kemuni, me laurai ni dina na vosa ni nomuni parofita.
17Ni rogoca saka na nodra masu na nomuni dauveiqaravi, me vaka na veivakalougatataki nei Eroni vei ira na nomuni tamata,
era na qai kila o ira kece e vuravura ni o kemuni na Turaga, na Kalou ni veigauna.
Digitaki ni yalewa me watimu18Na kakana kece e rawa ni laukana ia e dua na kakana e vinaka cake vua e dua tale.
19Me vaka e vakila na yame na ikanakana ni veimataqali lewe ni manumanu, e na kila tale ga vakina na tamata vuku na vosa lasu.
20Na tamata lomaca e na vakavuna na rarawa, ia o koya e tu vua na kila e rawa ni saumi koya lesu.
21Na yalewa e ciqoma na tagane cava ga me watina, ia e dua na yalewa e vinaka cake mai na dua tale.
22Na rairai totoka ni yalewa, e vakamarautaka na mata, e uasivita na veigagadre kece vakatamata.
23Kevaka e yalewa yaloyalovinaka, vosavosa malua, sa tagane kalougata duadua o watina.
24Ni dua na tagane sa vakawati, sa taukena nona iyau dredre duadua, nona dauveivuke maqosa, nona veitokoni dei.
25Na vanua e sega ni vakabai, e na butakoci na kena iyau; ni sega na watina e dua na tagane, e na veilakoyaki voli vaka na ika sega nona qara.
26O cei e na vakabauta na daubutako e veitokiyaki e na veikoro?
27O cei gona e na vakabauta na tamata sega nona vale, e moce voli ga e na vanua sa bogi koso kina?
Who We AreWhat We EelieveWhat We Do
2025 by iamachristian.org,Inc All rights reserved.
