1Ena yaco mai na siga era na lagata kina na tamata;
“Au na vakacaucautaki kemuni Jiova!
O ni a cudruvi au, ia oqo o ni sa vakacegui au
Ka sa oti na nomuni cudru.
2 Lako 15.2; Same 118.14 Sa noqu i vakabula na Kalou;
Au na vakadinati koya, ka sega ni rere.
Sa solia vei au o Jiova na kaukauwa kei na qaqa;
Sa noqu i vakabula o koya.
3Me vaka na kena kauta mai na marau na wai,
Vei koya sa viagunu,
Era sa marau vakakina na tamata ni Kalou,
Ni sa vakabulai ira o koya.”
4Ena yaco mai e dua na siga era na seretaka kina na tamata,
“Me ia na vakavinavinaka vei Jiova,
Ka masuti na yacana.
Tukuna yani ki na veimatanitu kecega na veika sa cakava.
Tukuna yani vei ira na nona sa cecere sara!
5Sere ena vakacaucau vei Jiova
Me baleta na veika lelevu sa cakava.
Me tukuni yani ki vuravura taucoko,
Me ra rogoca na kena i tukutuku.
6Kemuni kece mai Saioni, ni kaila ena masu!
Sa cecere na nodra Kalou savasava na Isireli,
Ka tiko voli kei ira na nona tamata.”
Who We AreWhat We EelieveWhat We Do
2025 by iamachristian.org,Inc All rights reserved.
