1Na nona kaukaua e yacova na iyalayala kei vuravura, na veika kece e tuvana vinaka tu.
Nona taleitaka na yalomatua o Solomoni2 Sr 15.2 Au a mateci koya, au mani qarai koya mai na noqu se gone, au via vakavaletaki koya, au mai rawai e na kena totoka.
3E cibitaka nona sucu marama e na nona tiko vua na Kalou, na Turaga ni veika kece e lomani koya.
4Vbale 8.27-30Sa vakacilai vua na vuku ni Kalou, e tokoni koya e na nona cakacaka.
5Ke dau domoni na iyau e na bula qo, na iyau cava beka e sivita na yalomatua, ni tara na ka kece?
6Ke mana na kilaka, o cei tale e siviti yalomatua, ni vakavotukanataka na ka kece?
7Ke dua e guta na yalododonu, na itovo vinaka kece e vua ni cakacaka ni yalomatua, ni o koya e vakavulica na yalomalua kei na lewa maqosa, na lewa dodonu kei na yaloqaqa; e sega tale na ka e yaga cake vei keda.
8Ke dua e guta na kilaka dina, o yalomatua e kila na veika sa sivi, kidava na veika se bera mai; e kila na ibalebale ni ivosavosa kei na iwali ni vatavatairalago; e kila vakaoti na kilaka kei na cakacaka veivakurabuitaki, kei na veitaravi ni vula kei na gauna.
9Sa mani lomaqu kina meu vakavaletaki koya, niu kila ni na vakasalataki yau vakavinaka, dau vakayaloqaqataki yau e na noqu lomaocaoca kei na rarawa.
10O koya ga, au na tamata sakitaki kina, era na rokovi yau na qase, dina niu gone.
11E na dau maqosa noqu vakatulewa, era na qoroi yau na veiliutaki.
12Niu galu, era na waraki yau; niu vosa, era na vakarorogo; niu vosa balavu, era na tabonaka na gusudra.
13O koya ga, au na sega kina ni mate, era na nanumi yau tawamudu na muri mai.
14Au na liutaka na veiyavusa; na veimatanitu era na vakarorogo vei yau;
15o ira na tui dauvakasaurara era na domobula nira rogoca na yacaqu; au na vakaraitaka raraba noqu maqosa, kei na yaloqaqa e na ivalu.
16Niu curuma noqu vale, au na kune vakacegu vua; neirau veitokoni e sega kina na veiqati; neirau veitomani e sega kina na mosi, na marau ga kei na reki.
17Au mani veinanuyaka na veika qo - na veiwekani kei na yalomatua e vu ni bula tawamudu,
18na veitokani kei koya e vu ni marau levu, na cakacaka ni ligana e vu ni iyau tawayalani, na veitomani vata kei koya e vu ni vuku, kei na veivosaki vata kei koya e vu ni rogo — au sa qai vakasamataka voli seu na rawati koya vakacava.
19Au kalougata niu se gone, ni a soli vei yau na yalovinaka;
20se ka, noqu yalovinaka tu, au a curuma kina na yago savasava.
21Ia au a vakila ni Kalou duadua e rawa ni solia vei yau na yalomatua “sa ivakaraitaki sara ga ni vuku noqu kila ni nona isolisoli” au mani masuta na Turaga, au cikevi koya, au tukuna e yaloqu taucoko.
Who We AreWhat We EelieveWhat We Do
2025 by iamachristian.org,Inc All rights reserved.
