1Niratou sa kana oti, erau kauti Tobia yani vua.
2E na nona lako tiko yani a nanuma sara na vosa nei Rafaele, mani vakama na uto kei na yate ni ika e na qilaiso waqa ni mira me kuvu.
3Maciu 12.43Ni qai boica na tevoro, sa dro sara i na loma ni colo kei Ijipita, mani vesuki koya na yagilosi.
4Ni sa sogo na katuba rau sa tiko taurua, sa qai mata mai na idavodavo o Tobia a kaya, “Na watiqu, mata medaru masu me lomani kedaru na Turaga.”
Masu o Tobia5Sa qai masu o Tobia,
“Moni lagilagi na Kalou ni neimami qase,
me lagilagi tawamudu tale ga na yacamuni tabu cecere.
Me vakalagilagi kemuni tawamudu na lomalagi kei na veikabuli kece.
6 Vteki 2.18 Oni a buli Atama, oni a soli Ivi me watina,
me nona ivukevuke, nona itokani.
A tubu mai vei rau na kawatamata.
Oni a kaya, ‘E sega ni vinaka me tiko duadua na tagane,
medatou bulia e dua rau veiucui me nona ivukevuke’.
7Ia qo saka, au sega ni taura na wekaqu qo e na gagadre vakayago,
e na yalodina ga.
Ni lomani yau, ni solia me keirau qase vata yani.”
8Erau qai kaya vata, “Ameni.”
9Erau sa mani moce.
Vakatitiqa ni itubutubuSa mata o Rakueli e na bogilevu, soqoni iratou nona italai, ratou qai curu i tuba meratou keli ibulubulu
10e na nona nanuma, “De na mate tale ga o koya, tou na qai vakalialiai kina.”
11Keli oti na ibulubulu, sa curu i vale o Rakueli,
12kaya vei Etenā na watina, “Tala mada e dua na vada me lai raica se bula tiko; ke sega, medatou se buluti koya lo me kua ni kilai.”
13Sa dolava na katuba na vada, curu yani, erau sa moce tu.
14A curu tale mai, tukuna ni se bula tiko.
15Sa qai vakalagilagia na Kalou o Rakueli:
Masu o Rakueli“Moni vakalagilagi na Kalou e na vosa kece ni veivakalagilagi e savasava e cecere.
Mera vakalagilagi kemuni na nomuni yalododonu kei na nomuni veikabuli kece.
Mera vakalagilagi kemuni tawamudu na nomuni yagilosi kece kei ira na nomuni tamata digitaki.
16Moni lagilagi, nioni sa vakamarautaki yau.
Sa sega ni yacovi yau na ka au a namaka;
oni sa lewai keirau ga e na nomuni loloma levu.
17Moni lagilagi, nioni sa lomani rau na qavu ni gone.
Ni lomani rau saka tiko ga, merau vakacavara na bula e na bula vinaka,
na marau, kei na veilomani.”
18Sa qai vakaroti ira na nona tamata mera buluta tale na ibulubulu.
19Sa kaya o Rakueli vei watina me vavi madrai vakalevu. Sa qai kauta mai e rua na nona bulumakau kei na va na sipi, a lewa me moku me magiti ni solevu ni vakawati.
20Vteki 24.55Sa kacivi Tobia, a kaya, “Me oti sara e macawa rua o qai lako. Daru na tiko e ke medaru kana, daru gunu. O na vakamarautaki luvequ tale, ni yalobibi e na levu ni leqa.
21Oti ya, mo taura na veimama ni noqu iyau, o qai lesu tale e na galala vei tamamu. Keirau sana mate na veiwatini, sana qai nomu kina na kena vo. Mo kila ni keirau lomani iko, keirau wiliki iko mo luve i keirau me vakataki Sera ga. Kua ni yalolailai.”
Who We AreWhat We EelieveWhat We Do
2025 by iamachristian.org,Inc All rights reserved.
