1Ena gauna o ya a rogoca kina na tui Papiloni, o Merotaki Paletani na luve i Paletani ni a tauvi mate tu o Esekaia na tui. A mani vakauta mai vua e dua na i vola kei na dua na i loloma.
2A kidavaki ira na i talai o Esekaia ena yalovinaka ka vakaraitaka vei ira na nona i yau, na nona siliva, koula kei na veika boi vinaka, na waiwai boi vinaka kei na nona i yaya kece sara ni valu. A sega ni vo e dua na ka ena nona vale ni yau se ena nona vanua taucoko me sega ni vakaraitaka vei ira.
3Ia a qai lako o Aisea na parofita vei Esekaia na tui ka tarogi koya, “E ratou a lako mai vei na tamata oqo, ka cava e ratou sa mai tukuna vei kemuni?”
A qai sauma o Esekaia ka kaya, “E ratou sa lako mai ena dua na vanua yawa sara, mai Papiloni.”
4“Na cava e ratou sa raica ena valenitui.”
“E ratou sa raica na ka kecega. E sega tale ni vo e dua na ka ena vale ni yau au sega ni vakaraitaka vei iratou.”
5Ia sa qai kaya o Aisea vua na tui, “Sa tukuna o Jiova ni lewevuqa,
6ni na yaco mai e dua na gauna ena kau kina ki Papiloni na veika kece e tu ena nomu i tikotiko vakatui, na veika kece era a maroroya tu mai na nomuni qase. Ena sega tale ni dua na ka ena vo.
7Tani 1.1-7; 2Tui 24.10-16; 2Vei 36.10Ena so sara talega na luvemu dina era na kau yani ka ra na la'ki buli me ra enuki ka veiqaravi ena valenitui nei tui Papiloni.”
8Ia sa qai kaya o Esekaia. E daumaka vei au na vosa i Jiova o tukuna mai oqori, ni sa kila o koya ni na yaco na bula vakacegu kei na galala donuya na nona gauna.
Who We AreWhat We EelieveWhat We Do
2025 by iamachristian.org,Inc All rights reserved.
