1E na ikatinikawalu ni yabaki, e na ikaruasagavulukarua ni siga ni imatai ni vula, sa bucini kina e na vale nei Nepukanesa na Tui Asiria me veisausaumi vei ira na vanua taucoko me vaka a tukuna.
2A kacivi ira kece na turaganivalu kei nona masi ni vanua, vakaraitaka vei ira na nona inaki vuni, vakayatuyatutaka tale ga na ca ni dui vanua;
3sa mani vakabau mera vakamatei kece na beca na nona lewa.
4Ni sa vakaraitaka oti na inaki o Nepukanesa na Tui Asiria, a kacivi Oloferenesi na vunivalu, nona liga imatau, a kaya vua:
5“O yau na tui levu, na turaga kei vuravura taucoko, qo na noqu lewa: O na lako yani e ke, soqoni ira na tamata tabuvakasuka, mera dua na drau ruasagavulu na udolu na mataivalu yava, tinikarua na udolu na vodo ose.
6Lai valuta na veivanua mai Ra, nira beca na noqu vosa.
7Tukuna vei ira mera vakarautaka na isoro qele kei na wai, niu sa lako yani qo e na cudru, e na robota na dela i vuravura na mawe ni yavadra na noqu mataivalu, au na soli ira vei ira na noqu mataivalu mera veitaliataki ira,
8me yacova ni sana sinai na veibuca e na vuetaki, vuabale na veiuciwai lalai lelevu e na yagonimate;
9au na kauti ira vakavesu i na iyalayala kei vuravura.
10“O na liu mo lai kovea e na vukuqu na nodra vanua taucoko. Era na soli ira vei iko, mo vesuki ira tiko meu qai lewa na kedra itotogi.
11Ia o ira na vorati iko, kua ni lomana e dua; mera moku kece, me yanaraki vakadua nodra vanua.
12E na noqu bula kei na qaqa ni noqu matanitu, na noqu vosa qo au na vakayacora ga.
13O iko, mo qarauna mo kua ni beca na lewa ni nomu turaga, mo vakacavara sara ga me vaka au sa lesia vei iko, kua ni lokuyara.”
Na ivalu nei Oloferenesi14Sa mani biuta nona turaga o Oloferenesi, soqoni ira kece mai na komada, jenerali, kei na turaganivalu ni mataivalu ni Asiria,
15me vaka na lewa ni nona turaga, a soqoni ira na mataivalu digitaki e dua na drau ruasagavulu na udolu, e tinikarua na udolu na dauvavana vodo ose,
16sa mani tuvai ira vaqolonidovu me vaka na mataivalu levu ni vakarau vala.
17A vakasoqona e levu na kameli kei na asa kei na meuli mera usa iyaya, e levu tale ga na sipi, na bulumakau, kei na me me icoi ni kakana;
18a binia tale ga na kakana me baleti ira kece, e levu sara tale ga na koula kei na siliva mai valelevu.
19Sa mani cavutu yani kei na nona mataivalu taucoko, me qai muri o Tui Nepukanesa, sa qai robo kina na dela i vuravura i Ra e na nodra qiqi, na mataivalu vodo ose kei na mataivalu yava digitaki.
20Dvei 7.12; Joeli 2.2-11Era salavata yani kei ira e dua na ilawalawa vakaitamera vaka na qele ni vodre, vaka na kuvu ni qele - na ilawalawa vakaitamera e sega ni wiliki rawa.
21Era taubale siga tolu mai Ninive i na buca o Beketileci, era qai keba donui Beketileci volekata na ulunivanua kei Silisia i cake e na imawi.
22A kauta o Oloferenesi na nona mataivalu taucoko, mataivalu yava, mataivalu vodo ose kei na mataivalu vodo qiqi, sa qai cabe yani i loma ni colo;
23sa qai vakavuai o Puti kei Luti, kauta nodra iyau na kai Rasisi kei ira na kawa i Isimeli era tiko voli e bati ni vanua dravuisiga, e na ceva ni vanua o Jeleoni.
24Sa qai kosova na Iuferetisi, sivi o Mesopotemia, vaqeyavutaki ira kece na koro e na veidelana e na bati ni wai lailai o Avaroni me yaco sara i baravi.
25A kovea tale ga na vanua o Silisia, vakamatei ira kece na vorati koya, mani yaco sara i na iyalayala e na ceva kei Jefeca donui Arapea.
26A kovuti ira na kai Mitia, visa kece nodra valelaca, butakoca na nodra sipi.
27Sa qai siro i na buca o Tamasiko donuya na musu witi, vakama na iteitei, mokuta na nodra sipi kei na bulumakau, vakavua na veikoro, yanaraka na vanua, vakamatei ira kece na cauravou e na iselewau.
28Era sa mani domobulataki koya kece na kai baravi, mai Saitoni kei Taia, o ira mai Sura kei Osina kei ira kece mai Jamania. O ira tale ga mai Asoto kei Asikaloni era domobulataki koya kece.
Who We AreWhat We EelieveWhat We Do
2025 by iamachristian.org,Inc All rights reserved.
