Gk Esiteri Na iVakamacala Taumada - Vakavakadewa Vou kei na iVola tale eso（FNVDC12）

Na iVakamacala Taumada Na iVola kei Esiteri e na vosa vaKirisi e kena vakadewataki, moici, vakarabailevutaki na iVola kei Esiteri e na vosa vakaIperiu. E via tautauvata na kena veitaravi, duidui ga e levu na tikina, wili kina na yaca ni tamata kei na veika vakalotu e so. Na ivola vaKirisi e wili kina e dua tale na ikau, e dua tale na itinitini, na ivola vakamatanitu e so, na masu e so kei na ikuri e so ni italanoa.E na tabaki e ke na tikina e kune wale ga e na ivola vaKirisi (ya na tikina e sega ni tabaki e na ivola kei Esiteri ena ivola qo). Na vo ni italanoa e vinaka moni wilika e na ivola kei Esiteri qori, ia e na vakalekalekataki mada ga e ke me rawarawa vei kemuni moni kila na italanoa taucoko. Na ivola kei Esiteri wase 1.1 me yacova na 10.3 e tauri mai na vosa vakaIperiu, na wase 10.4 me yacova na 16.24 e tauri mai na kena vaKirisi. Ia na kena vaKirisi e curucurumaki i na kena vakaIperiu, me vaka na veitaravi ni ka a yaco. Qo na vuna e veiladeyaki kina na naba ni wase e tabaki koto e ra. E ra gona, e sega wale ga ni dui tabaki na A, B, C, &s me baleta na ikuri yadua, e tabaki tale ga kina (e na ikovu) na naba ni wase e dau vakayagataki (11, 12, 13, &s).Na LewenivolaNa tadra i Motekai kei na nona vakabulai Asuerosi 11.2–12.6A yaco me ranadi o Esiteri 1.1–2.23Na inaki ca nei Amani 3.1-13; 13.1-7; 3.14-15Nodrau sasaga kei nodrau masu o Motekai kei Esiteri 4.1-17; 13.8–15.16; 5.3-4A vakamatei o Amani 6.1–7.10Era rawai ira na kedra meca na Jiu 8.1-12; 16.1-24; 8.13–10.3E nanuma tale nona tadra o Motekai 10.4–11.1