1A sa kacivi ira vata na i liuliu kece e Juta kei Jerusalemi o Josaia na tui,
2ka ra sa lako vata yani ki na Valenisoro kei ira na bete, kei ira na parofita, kei ira kecega na tamata era vutuniyau se dravudravua. Sa qai wilika na tui ena domoilevu e matadra na vosa kece ni i vola ni veiyalayalati ka kunei ena Valenisoro.
3E a tucake tu ena tutu vakaturaga na tui ka cakava na nona veiyalayalati vei Jiova me na talairawarawa vua, ka me maroroya na nona i vunau kei na i vakaro ena lomana taucoko kei na yalona taucoko, ka me vakayacora sara na vosa kece ni veiyalayalati sa volai ena i vola oqo. Era sa qai yalataka me ra maroroya na veiyalayalati oqo o ira kece na tamata.
4A sa vakarota o Josaia na tui vei Ilikaia na bete levu kei ira na bete lalai, kei ira na dauyadrava na Valenisoro me ra kauta tani mai na Valenisoro na i yaya kecega sa qaravi kina o Peali, na kalou yalewa o Asera, kei na kalokalo ni lomalagi. A sa vakama na tui na i yaya ni sokalou kece oqo ena taudaku ni koro ka volekata na buca mai Kitironi, ka qai kau yani ki Peceli na kena dravusa. (O ya na vanua era sa dautalia kina na yalewa na i sulu ni sokalou vua na kalouyalewa ni veikau.)
8A kauti ira tani kece na bete mai na veikoro e Juta o koya ka basuraka na veitikina cecere era a vakama kina na ka boi vinaka o ira na bete me vakatekivu mai Kipa ka yaco yani ki Perisepa. A sa basuraka talega na i cabocabonisoro ki na kalou tani ena i curucuru ki na Matamata i Josua, na kovana ni koro ena yasana i mawi ni matamata ni koro.
9O ira na bete oqo era sa vakatabui me ra qarava na cakacaka vakabete ena Valenisoro, ia era rawa ga ni kania na madrai sa sega ni vakatubu sa vakarautaki ena vukudra na bete.
10A sa vakacacani Tofeci talega o Josaia na tui, ka oqo na vanua ni vakacaboisoro ki na kalou tani ena Buca kei Inomi, me kakua kina ni dua tale na tamata me vakacabora na luvena tagane se na luvena yalewa me i soro kama vua na kalou o Moloke.
Era sa kaya vua na lewenivanua o Peceli, “Na i bulubulu ni tamata ni Kalou, o koya ka a lako mai Juta, ka mai tukuna rawa na veika sa yaco oqo ena i cabocabonisoro e Peceli.”
18Sa qai tukuna o Josaia, “Dou laiva ga; me kakua ni dua na tamata me yavalata na nona sui.”
Era a sega ni yavalata na nona sui, ka vakakina na nona sui na parofita ka a lako mai Samaria.
19A biuta tani talega o Josaia na veivale kece mai na veitikina cecere ena veikoro mai Samaria, era a cakava na tui Isireli me vakacudrui kina o Jiova, ka cakava kina na veika me vaka na ka a cakava o koya mai Peceli.
20A vakamatei ira kecega na bete ni veitikina cecere, ka ra a tiko mai kea ena dela ni cabocabonisoro, ka vakama e deladra na sui ni tamata. A lesu tale ki Jerusalemi o Josaia na tui.
Solevutaka na Lakosivia o Josaia(2Vei 35.1-19)21A sa vakaroti ira tale na tamata kecega o Josaia me ra solevutaka na Lakosivia, me vakarokorokotaki kina o Jiova na nodra Kalou, me vaka sa volai ena i vola ni veiyalayalati.
22E a se sega ni bau vakayacori tale e dua na Solevu ni Lakosivia vakaoqo mai vei ira na tui Isireli se tui Juta me vakatekivu mai na nodra gauna ni veiliutaki na dauveilewai.
23Ia oqo, ena i katinikawalu ni yabaki ni veiliutaki vakatui i Josaia, sa qai ia tale na kena solevutaki na Lakosivia.
Na Veiveisau Tale Eso e Vakayacora o Josaia24Sa qai biuta tani o Josaia o ira na daurairai, na daucurumi, na kalou matakau eso, kei na ka vakasisila kecega a kune ena vanua i Juta kei Jerusalemi, me rawa ni vakataudeitaka kina na vosa ni vunau sa volai ena i vola a kunea o Ilikaia na bete ena Valenisoro.
25A sa sega ni dua na tui ka bula e liu me tautauvata kei Josaia, me golevi Jiova ena lomana taucoko, kei na yalona taucoko, kei na nona kaukauwa kece, ni sa talairawarawa ga ki na Lawa i Mosese kece sara; a sega talega ni qai tubu cake e muri e dua me tautauvata kaya.
26Ia a sega ni vuki tani o Jiova mai na katakata ni nona cudru levu ka waqawaqa kina vei ira na Juta ena vuku ni veivakacudrui kecega sa vakacudrui koya kina o Manasa.
27A sa kaya, me vaka ka'u a kauti ira tani na Isireli, au na biuta na koro oqo o Jerusalemi, ka'u a digitaka kei na vale ka'u a kaya kina, ena tiko e kea na yacaqu.”
Na i Tinitini ni Veiliutaki Vakatui nei Josaia(2Vei 35.20–36.1)28Ia na vo ni cakacaka kece sa vakayacora o Josaia na tui sa volai ena Kedra i Vola Tukutuku na Tui Juta.
29Ena gauna e se tui tiko kina o Josaia, sa liutaka e dua na mataivalu o Niko na tui Ijipita me la'ki vukei tui Asiria ena uciwai na Uferetisi. E a tovolea o Josaia na tui me tarova na mataivalu oqo ni Ijipita mai Mekito ka a mani vakamatei koya mai kea o Niko.
30Era a vakavodoka na yago i Josaia ena qiqinivalu na nona tamata, ka kauti koya lesu ki Jerusalemi, ka buluta ena nodra i bulubulu na tui.
Era a digitaki Jioasi na luve i Josaia o ira na lewenivanua, ka ra lumuti koya, ka buli koya me tui, me i sosomi kei tamana.
O Jioasi na Tui Juta(2Vei 36.2-4)31A sa yabaki 23 o Jioasi ena gauna sa buli kina me tui Juta, ka veiliutaki mai Jerusalemi me tolu na vula. Na yaca i tinana o Emutali ka luve i Jeremaia mai Lipina.
32A sa muria na nodra i valavala na nona qase ena nona daucaka ca ena mata i Jiova.
33E a cava koso na nona veiliutaki vakatui ena gauna ka tauri koya kina vakavesu o Niko na tui Ijipita mai Ripila, ena vanua o Emaci, ka lavaka vei ira na Juta me ra sauma e 3,400 na kilokaramu na siliva kei na 34 na kilokaramu na koula ena vukuna.
34E a vakavuna o Niko na tui Ijipita me buli vou o Elaiakimi na luve i Josaia me tui Juta, me i sosomi kei Josaia na tamana, ka veisautaka na yacana me o Jo-akimi. Ia sa kauti Jioasi tani ki Ijipita o Niko, ka sa la'ki mate mai kina.O Jo-akimi na Tui Juta(2Vei 36.5-8)
35A sa kumuna o Jo-akimi e dua na i vakacavacava mai vei ira na lewenivanua, ka vakatautaki oqo ki na veika era dui rawata, ka me na saumi kina na veika sa lavaka o Niko na tui Ijipita.
36A sa yabaki 25 o Jo-akimi ena gauna ka buli kina me tui, ka veiliutaki mai Jerusalemi me tinikadua na yabaki. Na yaca i tinana o Siputa, na luve i Petaia na kai Ruma.
37A sa daucaka ca o koya ena mata i Jiova, me vaka na ka kecega era a cakava na nona qase.
Who We AreWhat We EelieveWhat We Do
2025 by iamachristian.org,Inc All rights reserved.
