1
6A bulia na yamedra, na matadra kei na daligadra, a solia na mona mera vakasama kina.
7
10Era na vakacerecerea na yacana tabu, tusanaka na lagilagi ni nona cakacaka.
11A solia vei ira na kilaka, wasea vei ira na lawa ni bula.
12A vakadeitaka kei ira e dua na veiyalayalati tawamudu, vakaraitaka vei ira nona lewa.
13A raica na matadra nona lagilagi vakatui, rogoca na daligadra na domona vakaturaga.
14A kaya vei ira, “Moni qarauna na valavalaca kece”, qai vakaroti ira yadua mera veikauaitaki.
Na Kalou e Turaganilewa15Sa tu ga e matana na nodra ivalavala, e sega ni rawa mera vunitaka vua.
16 Nodra ivukivuki mai na nodra se gone e kauti ira i na ca, era sega ni rawa ni sosomitaka na nodra yaloqa e na yalo vakalewe.
17Nona wasei vuravura a lesia kina na nodra dui iliuliu na veimatanitu, o Isireli ga e nona ivotavota na Turaga.
18 Na luvena ulumatua qo, e susuga vakamatau, vakararamataka e na loloma, sega ni vakanadakuya.
19Nodra cakacaka kece e matata tu vakasigalevu vua, e raica matua tu na nodra ivalavala.
20E sega ni vuni vua na nodra cala, e tu e matana na nodra ivalavalaca kece.
21 Ia na Turaga, o koya e dau loloma e kila vinaka na ka kece e bulia, e sega vakadua ni biuti ira, e vosoti ira ga.
22Na nona soli iloloma e dua e vaka na mama e vakamareqeta na Turaga, e na dau nanuma na nona yaloyalovinaka me iyau talei.
23E dua na siga e na tucake me lewai ira na cala, qai totogitaki ira me vaka e na ganiti ira.
24Ia vei ira era veivutuni, e vosoti ira mera lesu tale mai; e vakayaloqaqataki ira e sa luluqa mai nodra vosota.
Mo veivutuni25 Jere 3.12 Vuki vua na Turaga, biuta laivi nomu ivalavalaca, masu vua, qai vakalailaitaka nomu cala.
26Lesu tale vua na Cecere Sara, vuki tani mai na ivalavalaca, ni na tuberi iko mai na butobuto i na rarama ni bula vinaka; cata sara na ka e ca.
27 Same 6.5; Aisea 38.18; Br 2.17,18 Era na vakacaucautaka na Cecere Sara na bula, era na vakavinavinaka vua, ia o cei e na cakava qo mai bulu?
28Sa mudu na nona vakavinavinaka e dua sa mate, me vaka e dua e sega ni tu; o koya e bula vinaka tiko, e laga sere ni veilaveti vua na Turaga.
29Sa vakaitamera na loloma ni Turaga kei na nona veivosoti vei ira era vuki yani vua!
30E sega ni rawa ni tiko vua na tamata na ka kece, ni sega ni bula tawamudu o koya.
31Na cava e rarama cake mai na matanisiga? Ia e dau buto leka na kena rarama. Na yago kei na dra e rawati rau vakina na ca.
32Na Turaga e raici ira kece na kalokalo ni lomalagi, ia na tamata e kuvu ga ni qele.
Who We AreWhat We EelieveWhat We Do
2025 by iamachristian.org,Inc All rights reserved.
