1A qai sauma o Jope, ka kaya,
2Ena gauna oqo au na vorata tikoga ka vosa kudrukudrutaka na Kalou;
Ka'u sa sega ni tarova rawa na noqu vutugu ni sa qai bibi ga vei au na ligana.
3Sa dua tani dina na noqu via kila na vanua me'u kunei koya kina,
Kei na sala me'u yaco rawa kina ki na nona i tikotiko.
4Au na la'ki vakamacalataka sara ga ena matana na ka e baleti au,
Ka serelaka vua na i le kecega au na vakadonui kina.
5Au via kila na ka ena tukuna,
Kei na ka ena i sau ni noqu i vakamacala.
6Ena vakayagataka beka na Kalou na nona kaukauwa taucoko
Me saqati au kina?
Sega, ena vakarorogo o koya ni'u tukutuku tiko vua.
7Oi au na tamata dina; au rawa ni veivosaki vakavinaka sara kei na Kalou;
Ka na qai kacivaka o koya ni'u sa talaci ni sega na noqu cala —
Edaidai kei na veigauna kecega.
8Au sa vakasaqaqara oti mai na tokalau,
Ia e yali mai kina na Kalou;
Ka'u sega talega ni kunei koya ni'u vakasaqaqara mai na ra.
9E a cakacaka tiko mai na vualiku o koya,
Ka sa lako oti talega ki na ceva,
Ia au sa sega tikoga ni raici koya.
10Na Kalou e kila yadua sara ga na noqu cavu i kalawa;
Ke vakatovolei au o koya,
Ena kunea ni'u dodonu ka savasava.
11Au muria tu ga ena yalodina na gaunisala sa digitaka,
Ka'u sega sara ni lako vakaveitalia yani mai na yasa ni sala ruarua.
12Au vakayacora ena veigauna kece na ka e vakarota na Kalou;
Au muria na lomana, ka sega sara ga na noqu gagadre.
13E sega ni dauveivukiyaki na Kalou.
E sega ni dua e vorati koya rawa,
Se me tarova na ka sa lomana me cakava.
14Ena vakayacora o koya na ka sa nakita ena vukuqu;
Na i naki oqori sa dua wale ga vei ira na i naki e vuqa ka tu vua.
15Ena vuku ni ka oqo,
Au sa rere sara ga kina ni'u tu e matana;
Ia ni'u vakananuma,
Sa qai dua tani ga na noqu rerevaki koya.
16Sa vakamatea vakadua na Kalou Kaukauwa na noqu yalo qaqa.
17Sa vakavuna ga na Kalou na noqu rere,
Ka sa sega ni vu mai na butobuto,
Ka dina ga ni butobuto sa vakavuna me'u mataboko.
Who We AreWhat We EelieveWhat We Do
2025 by iamachristian.org,Inc All rights reserved.
