1O ira kece era sega ni kila na Kalou, era lialia tu; era raica na veika vivinaka, era sega ga ni kilai koya kina e bula tu. Era sega ni kila na dauveibuli, era kila ga na nona cakacaka.
2Era wilika ga na yameyame se cagi se cava se veikalokalo se waiviko se vula mera kalou era lewai vuravura.
3E na nodra qoroya na tamata na totoka ni veika qo, era wiliki ira kina mera kalou, ia mera kila ni uasivi sara na nodra Turaga, ni a buli ira ga na veika qo na vu ni veika totoka.
4Era doka na tamata na kedra kaukaua kei na kedra mana, ia mera kila mai kina ni kaukaua sara o koya a buli ira.
5Na uasivi gona kei na totoka ni veikabuli, e kilai kina na Dauveibuli.
6Mera kua so ni beitaki o ira qo nira vaqara dina tiko na Kalou, ra via kunei koya, ra sese beka ga,
7Ni voliti ira na nona ibulibuli, era vaqaqara tiko ga, era vakabauta na ka era raica, baleta ni rairai totoka.
8Ia mera kua tale ga ni vosoti,
9ke a tu vei ira na kila mera dikevi vuravura, a cava e berabera kina nodra kunea na Turaga ni veika qo?
Era lialia na qaravi matakau10 Aisea 44.9-20; Jere 10.1-16; Lj 8-73 Era vakaloloma, era vakararavi i na kau vuca, na tamata era vakatoka me “kalou” na kabuli, na koula kei na siliva buli vakamaqosa, na ivakatakarakara ni manumanu se na vatu tawayaga, na cakacakaniliga ni gauna makawa.
11Na matai maqosa e taya na vunikau veiganiti, siviraka vakavinaka qai taurivaka nona vuku taucoko me sivita kina e dua na ka yaga.
12E dau qai vakayagataka na malamala me buka ni kena me mamau kina.
13E taura e dua na tikina sega na betena, veve qai sukusukura, qai vakasivita toka, e ceuta vakamaqosa e nona gauna galala me ivakatakarakara ni tamata,
14se manumanu wale. E togoya qai boroya damudamu, me ubi kece kina na tikina caca.
15Sa qai cakava e dua na kena itokatoka e lalaga, vakadeitaki e na kaukamea.
16E qarauna gona me kua ni lutu, ni kila tiko ni sega ni rawa ni tu vakataki koya, ni ivakatakarakara wale ga, e yaga me tokoni.
17Ni dau masulaka nona iyau, nona bula vakawati se o iratou na luvena, e sega ni madua na masuta na ka mate.
18E kerea na kaukaua vua na ka malumalumu; e masulaka na bula vua na ka mate; e kere veivuke vua na ka lecaika; e tataunaka na ilakolako vua na ka e sega ni cavuikalawa rawa.
19E na nona qara ilavo, se cakacaka, se ligamaqosa, e kere veitokoni vua na ka ligamate.
Who We AreWhat We EelieveWhat We Do
2025 by iamachristian.org,Inc All rights reserved.
