1Era a lako yani vei Tevita ki Epironi o ira na mataqali kece ga e Isireli, ka kaya vua, “O keimami oqo sa suimuni ka lewemuni dina.
2Ena veigauna e liu, ni a neimami tui o Saula, sai kemuni ga ka liutaki ira yani na Isireli ki na i valu, ka sa tukuna talega vei kemuni o Jiova mo ni vakatawani ira na nona tamata ka nodra i liuliu.”
3Era a qai lako mai vua na tui mai Epironi o ira kecega na qase e Isireli. A sa veiyalayalati kei ira o Tevita, ka sa lumuti mai vei ira na qase me nodra tui na Isireli.
4A yabaki tolusagavulu o Tevita ena gauna a buli kina me tui; ka tui tiko o koya me yabaki vasagavulu.
21Ni ra sa dro tani na kai Filisitia, era a biuta tu e kea na nodra veimatakau, ka mani kauta tani yani o Tevita kei ira na nona tamata.
22Era a mani lesu tale mai na kai Filisitia, ka taura lesu na buca o Refeimi.
23Sa qai tarogi Jiova tale o Tevita, ka i sau ni nona taro e vakaoqo, “Mo kakua ni valuti ira eke, ia mo lako wavokiti ira ga mai dakudra ka valuti ira ni o sa donuya na veivunikau ni saluwaki boi vinaka.
24Ia ni o rogoca na domo ni cavu yava ena tuvuka ni veikau oqori, mo qai valuti ira baleta ni'u sa liu tiko vei iko me'u vakadrukai ira na sotia ni Filisitia.”
25A kitaka vakakina o Tevita, me vaka a vakarota vua o Jiova, ka ravuti ira na kai Filisitia me vakatekivu mai Kipa ka yaco sara ki Keseri.
Who We AreWhat We EelieveWhat We Do
2025 by iamachristian.org,Inc All rights reserved.
