1O Saimoni na betelevu, luve i Oniasi, cecere vei iratou na tacina, nodra isakisaki na nona kawatamata,
a vakavinakataka na loqi tabu, viribaita na valenisoro e na nona gauna.
2A bulia na kena yavu na bai cecere taqairua e kovuta na valenisoro.
3E na nona gauna, a keli e dua na tobu levu ni wai, kena raba e vaka na wasawasa.
4A vakasamataka na iwalewale me vakabulai ira kina na nona tamata, mani vakabainivalutaka na koro me kua ni kabai rawa.
5A lagilagi nira soqo wavokiti koya na lewenivanua e na nona biuta mai na loma ni loqi tabu!
6E vaka na ivolasiga e loma ni o, vaka na vula ni taucoko;
7e vaka na matanisiga ni cilava na valenisoro nei koya na Cecere Sara, vaka na drodrolagi e taliva e na o ramase;
8e vaka na rosi e na vulaitubutubu, vaka na lili e bati ni wai vure, vaka na tubunikau vou ni Lepanoni e na vulaimatua;
9e vaka na qilaiso kei na mira e na iseso, vaka na kato ni koula tuki e ukutaki e na veimataqali vatu talei;
10e vaka na vu ni olive e solia tu na vuana; vaka na saiperesi e coka tu i loma ni o.
11Ni dara nona isulu lagilagi, ukutaki koya vakamaqosa,
qai gole cake i na yaletare tabu, sa lagilagi kina na mata ni loqi tabu.
12Ni ciqoma vei ira na bete na ivotavota ni isoro ka duri tu e yasa ni matadravu ni yaletare
ra qai vaka tu na nona salusalu na wekana era wavokiti koya tu, e vaka sara ga na sitari wadrovu ni Lepanoni.
13O ira kece na luve i Eroni, era wavokiti koya tu vaka na tolo ni vuniniu e na nodra iukuuku talei,
ra taura tu e ligadra na isoro vua na Turaga e matadra na ivavakoso taucoko i Isireli.
14Ni sa tinia na lotu e na yaletare, vakarautaka na isoro vua na Cecere Sara na Kalou sau,
15sa taura na bilo qai sova na wai ni vaini e vu ni yaletare me isoro, me iboi talei vua na Cecere Sara, na nodra Tui na tamata kece.
16Era sa qai kaila na luve i Eroni, ra uvuca na biukila e caka e na siliva tuki,
e vakuru yawa na domodra me ivakananumi e mata ni Turaga.
17Era sa qai cuva sara i ra na lewenivanua mera vakarokorokotaka na nodra Turaga na Kalou sau Cecere Sara.
18Era sa qai vakacaucautaki koya na daulagasere e na domo levu kamikamica.
19Era qai masu na lewenivanua vua na Turaga na Cecere Sara dauloloma
me yacova ni sa cava na ituvatuva ni sokalou vua na Turaga; sa mani tini kina na nona qaravi.
20 Tiko 6.24-27 Sa qai siro sobu mai o Saimoni, laveta na ligana e deladra na ivavakoso taucoko i Isireli
me cavuta na veitaburaki ni Turaga, me vakalagilagi kina na yacana;
21Era sa qai cuva sobu mera vakarokoroko tale, mera ciqoma na veivakalougatataki nei koya na Cecere Sara.
Veitaburaki22Moni sa vakalagilagia qo na Kalou ni veika kece, o koya e dau vakayacora tu ga na veika lelevu,
e vakacerecerei keda mai na noda sucu, maroroi keda e na nona loloma.
23Me vakamarautaka na yaloda, me solia na vakacegu e na noda gauna e Isireli, me vaka e na gauna makawa.
24Me tudei vei keda na nona loloma, me vakabulai keda e na noda gauna!
Tolu na matanitu sevaki25E rua na matanitu au sevaka, kena ikatolu e sega ni wili vakamatanitu!
26Qo o ira era bula e dela i Seira kei ira na kai Filisitia, vakina o ira na yavu lialia era vakoro e Sekemi.
Na vuku i Jisu na luve i Siraki27O yau o Jisu na luve i Siraki luve i Iliesa mai Jerusalemi, au vola na ivola qo e na vuku sa vu mai yaloqu,
me vakavulici kina na yalomatua kei na kilaka.
28Kalougata o koya e kauaitaka na veika qo; o koya e tugana matau e lomana, e na yaco me yalomatua.
29Kevaka e muria, e na qaqa e na veika kece, ni na serauna nona sala na rarama ni Turaga.
Who We AreWhat We EelieveWhat We Do
2025 by iamachristian.org,Inc All rights reserved.
