Josua 12 - Vakavakadewa Vou kei na iVola tale eso（FNVDC12）

Ira na Tui ka Vakadrukai mai vei Mosese

1Era sa vakadrukai oti, ka taukena na veivanua ena tokalau ni Joritani o ira na Isireli, o ya me tekivu mai na Buca o Arinoni ka lako cake ki na Buca o Joritani, ka yaco sara ki na Ulunivanua o Erimoni ena vualiku. E rua na tui e rau sa vakadrukai kina. ka lako sara yani vaka ki na ruku ni ulunivanua o Pisika.

4Na i karua ni tui era sa vakamalumalumutaka o Oki na tui Pasani, e dua vei ira na i otioti ni kawa na Rafaimi ka veiliutaki e Asitoreci kei Etirei.

5Na nona matanitu e wili kina na Ulunivanua o Erimoni, kei Salika, o Pasani taucoko me yacova yani na nodra i yalayala ni vanua na kai Kisuri kei ira na kai Meeka. E wili talega kina na veimama ni vanua o Kiliati me yacova na i yalayala nei Sioni na tui Esiponi.

6E a rawai rau na tui oqo o Mosese kei ira na Isireli. A sa qai solia na vanua oqo o Mosese na tamata ni Kalou vei ira na mataqali i Rupeni, Kata kei na veimama ni mataqali i Manasa, me ra taukena.Ira na Tui ka Vakadrukai mai vei Josua

7Era a vakarusai ira kece na tui ena ra ni Joritani o Josua kei ira na Isireli, me vakatekivu mai Peali-kata ena buca o Lepanoni ki na Ului Alaki ena ceva volekati Itomi. E a qai wasewasea na vanua oqo o Josua vei ira na veimataqali ka sa solia vei ira me nodra i votavota ka tawa mudu.

8Na vanua oqo a wili kina na vanua veidelana, na vanua ena ruku ni veidelana ki na ra, na Buca o Joritani kei na kena ruku ni veidelana, na baba kece ena tokalau, kei na vanua talasiga ena ceva. Oqo na vanua era a tawana tu na Itaiti, na Amoraiti, na Kenanaiti, na Perisaiti, na Aivaiti kei na Jepusaiti.

9O ira na Isireli era sa vakadrukai ira na tui oqo kei na nodra koro lelevu: na tui Jeriko, na tui Ai (volekati Peceli),

10na tui Jerusalemi, na tui Epironi,

11na tui Jarimuci, na tui Lakisi,

12na tui Ekiloni, na tui Keseri,

13na tui Tepiri, na tui Keteri,

14na tui Orima, na tui Arati,

15na tui Lipina, na tui Atulama,

16na tui Maketa, na tui Peceli,

17na tui Tapua, na tui Eferi,

18na tui Efeki, na tui Leseroni,

19na tui Matoni, na tui Asori,

20na tui Simironi-meroni, na tui Efikasi,

21na tui Tenaki, na tui Mekito,

22na tui Ketesi, na tui Jokiniame volekati Kameli,

23na tui Doro e koto e baravi, na tui Koimi e Kalili,

24na tui Tirisa. E tolusagavulu kadua taucoko na kedra levu.