1Ni toro mai, me da vakacaucautaki Jiova!
Me da laga sere ena marau vua na uluvatu ni noda bula.
2Me da tiko e matana ena vakavinavinaka,
Ka vakamolimoli ena sere ni reki kei na same.
3Ni sa Kalou qaqa ga o Jiova,
Ka sa Tui kaukauwa vei ira na veikalou kece sara.
4Sa lewa na vuravura taucoko,
Me tekivu mai na veiqara vatu titobu
ka yaco ki na veidelana cecere.
5Sa lewa na wasawasa sa bulia,
Kei na vanua mamaca talega sa cakava.
6Ni toro mai, ka me da mai sokalou ka cuva sobu vua,
Me da tekiduru ena mata i Jiova, na dauveibuli!
7Sa noda Kalou ga o koya;
Oi keda na tamata ni nona vanua,
Kei na sipi sa tubera o koya e ligana.
Ni rogoca mada edaidai na ka e tukuna:
8Ni kakua ni vakaukauwataka na yalomuni,
me vakataki ira na nomuni qase mai Meripa,
Me vaka na siga o ya mai Masa ena vanua lala.
9Era a vakatovolei au ka temaki au,
Dina ga ni ra a raica na ka au a cakava e vukudra.
10E vasagavulu na yabaki au a rarawataki ira voli kina
Na tamata oqo; ka kaya, “Sa so na tamata sega ni yalodina!
Era sa bese ga ni muria na noqu i vakaro.
11Au a qai cudru ka yalataka vei ira vakaoqo:
O ni na sega ni yaco ki na vanua
me'u na solia kina vei kemuni na vakacegu.”
Who We AreWhat We EelieveWhat We Do
2025 by iamachristian.org,Inc All rights reserved.
