1Era mani tala mata yani meratou soro, ratou kaya,
2“O keimami na tamata nei Nepukanesa, na tui levu, keimami sa vakatoboicu e matamuni. Moni veitaliataki keimami.
3Sa koto qori e matamuni na neimami vale, neimami qele, neimami veiwiti, na qelenisipi kei na bulumakau, na bainisipi kei na kedra valelaca, moni lewa sara ga.
4Na neimami koro tale ga kei ira na lewena era sa nomuni bobula; ni mai lewai ira ga me donu vei kemuni.”
5Eratou cabe vei Oloferenesi, ratou tukuna vua na vosa qo.
6Sa qai gole sobu i baravi kei na nona mataivalu; a tala e so mera yadrava na veikoro e veidelana, qai digitaki ira na lewenikoro e so mera nona ito.
7Era kidavaki koya na tamata kece e na vanua ya, e na veivakasalusalutaki, na meke kei na tibereli.
8Lako 34.13; 2Vei 17.6A talaraka kece na nodra sava, talaka na vunikau tabu, ni sa tataunaki vua me vaqeyavutaki ira na kalou kece ni vanua, mera sa qaravi Nepukanesa duadua na veimatanitu, mera vakalou vua e na nodra dui vosa, kei na dui mataqali.
9Sa qai yacova na iyalayala kei Esidrailoni volekati Docani donuya na tokaitua levu kei Jutia;
10a keba e ke e na maliwa i Kipa kei Sikicopolisi, mani vula dua vinaka kina me cokonaki kina na mataivalu.
Who We AreWhat We EelieveWhat We Do
2025 by iamachristian.org,Inc All rights reserved.
