Sefanaia 2 - Vakavakadewa Vou kei na iVola tale eso（FNVDC12）

Na Vakamamasu ni Veivutuni

1Vei iko na matanitu sa lecava na madua, mo yalomatua mada

2ni se bera ni o cagitaki laivi me vaka na qanisila sa cagina ena cagi, ni se bera ni drau sota kei na cudru katakata i Jiova, ni se bera na siga me vakaraitaka kina na nona cudru kaukauwa.

3Ni vakanamata vei Jiova na tamata yalomalumalumu kece ni vanua, oi kemuni sa dau talairawarawa ki na nona i vakaro. Ni cakava na ka dodonu, ka vakamalumalumutaki kemuni ena mata i Jiova; de o ni na qai calata na i totogi ena siga sa vakaraitaka kina o Jiova na nona cudru.

Na Nodra Vakarusai na Veivanua sa Voliti Isireli

4 era na cavuivuvu na kai Ekironi mai na nodra koro.

5Sa oti vei kemuni na kai Filisitia, oi kemuni na tamata o ni vakoro tu oqori e baravi. Sa tauca oti na kemuni totogi o Jiova. Ena vakarusai kemuni o koya, ka na sega ni vakavo e dua vei kemuni.

6Na nomuni vanua ena bati ni baravi ena yaco me vanua lala ni vakana sipi ka sa tiko kina na nodra vale na i vakatawanisipi kei na bai ni sipi.

7Era na tawana na nomuni vanua o ira na vo-ni-bula e Juta. Era na vakania mai kea na nodra sipi, ka ra na moce ena veivale mai Asikiloni. Ena tiko ga kei ira na nodra Kalou o Jiova, ka na vakavutuniyautaki ira tale o koya.

8

13 Aisea 10.5-34; 14.24-27; Nie 1.1–3.19 Ena vakayagataka o Jiova na nona kaukauwa me vakarusai Asiria kina. Ena vakarusa me lala ka rusa na koro levu o Ninive, me vanua dravuisiga sa sega kina na wai.

14Ena vanua ni nodra dadavo na qelenisipi kei na bulumakau, na me kei na veimataqali manumanu kecega. Era na vakaitikotiko na lulu ena veiyasa ni koro sa rusa tu, ka ra na dautagi toka mai na kedra veikatubaleka. Era na luvaluvati tani mai na kau sitari ni kena veivale.

15Na ka oqo ena yaco ki na koro sa dau dokadokataka tu na nona kaukauwa, ka nanuma ni na sega ni rusa rawa. Era sa nanuma na lewena ni sa koro cecere duadua ena vuravura na nodra koro oqo. Ia ena yaco me vanua laladidi sara, ka nodra i vakavakacegu na manumanu kila. O ira kecega era lako sivita era na kidacala sara ena domobula.