Same 14 - Vakavakadewa Vou kei na iVola tale eso（FNVDC12）

1Era sa kaya ki lomadra na tamata lialia,

“Sa sega na Kalou!”

Era sa ca kece sara,

Era sa cakava na veika vakarerevaki;

Sa sega ni bau dua e cakava na ka dodonu.

2Sa raici ira sobu mai na tamata o Jiova mai lomalagi,

Me raica se bau dua beka e vuku,

Ka me qaravi koya.

3Ia, era sa cala kecega;

Sa tautauvata na nodra i tovo ca kecega;

Sa sega ni bau dua e cakava na ka dodonu,

E sega sara ni dua mada ga.

4A sa taroga o Jiova, “E sega beka ni ra kila?”

“Era sa lecaika kece li na tamata ca oqo?

O ira oqo era sa bula voli ga

ni ra sa butako mai vei ira na noqu tamata,

Era sa sega talega ni masuti au.”

5Ia, era na vakarerei ga,

Ni sa tiko na Kalou kei ira sa rerevaki koya.

6Era sa vakacala na nodra i tuvatuva na dravudravua

Ia, sa nodra i drodro ga o Jiova.

7Ena yaco mai na veivakabulai o ya ki Isireli mai Saioni,

Ni sa vakalougatataki ira tale na nona tamata o Jiova,

Era na marau na kawa i Jekope ka ra na reki na Isireli.

Na Veika e Gadreva na Kalou

A Same i Tevita.