1A vu ni noqu rarama ka noqu i vakabula o Jiova;
O cei me'u rerevaka?
Sa taqomaki au o Jiova mai na leqa kecega;
Au na sega sara ni taqaya.
2Ni ra valuti au na tamata ca ka tovolea me ra vakamatei au,
era na tarabe ga ka bale.
3Kevaka sara mada ga e wavoliti au e dua na mataivalu taucoko,
au na sega ga ni rere;
Kevaka sara mada ga era ravuti au na meca,
au na vakadinata tikoga na Kalou.
4Au a kerea vei Jiova e dua na ka:
Me'u tiko ga ena vale i Jiova
Ka qoroya na nona vinaka,
Ka me'u dau taroga na nona i vakasala mai kea.
5Ena veigauna ni leqa ena vakarurugi au o koya;
Ena taqomaki au vinaka ena nona Valenisoro
Ka vakataudeitaki au ena dela ni vatu cecere.
6Au na qaqa vei ira na noqu meca era wavoliti au.
Ena domo ni kaila ni marau kei na reki,
ka'u na vakacaboisoro kina ena nona Valenisoro;
Au na sere voli, ka'u na vakacaucautaki Jiova.
7Ni rogoci au Jiova ni'u masu yani vei kemuni!
Ni yalololoma ka rogoci au!
8Ena nomuni a kaya, “Lako mai ka sokalou vei au.”
Io, na matamuni i Jiova ka'u sa vakasaqara.
9Ni kakua ni vunitaki kemuni vei au.
Ni kakua ni cudruvi au,
Ni kakua ni vakatala tani na nomuni tamata.
O ni sa dau vukei au,
Ni kakua ni laivi au, ni kakua ni biuti au,
Na noqu Kalou ka noqu i vakabula!
10Sa biuti au na tamaqu kei na tinaqu,
Ia o Jiova ena maroroi au.
11Ni vakavulici au Jiova ena ka o ni vinakata me'u cakava,
Ka tuberi au ena sala me'u na taqomaki kina,
Baleta ni sa levu sara na kequ meca.
12Ni kakua ni biuti au vei ira na kequ meca,
O ira era ravuti au ena lasu kei na veika kaukauwa,
Me ra na cakava vei au.
13Au na bula dina tiko me'u raica
Na vinaka i Jiova vei ira na nona tamata.
14Vakadinati Jiova!
Vakabauta, kakua ni yalo lailai,
Vakadinati Jiova tikoga.
A Masu ni Kere VeivukeA nei Tevita.
Who We AreWhat We EelieveWhat We Do
2025 by iamachristian.org,Inc All rights reserved.
