1Ni sa qase cake sara o Tevita, a sa buli Solomoni na luvena me nodra tui na Isireli.Na Nodra Cakacaka na Livai
2A vakasoqoni ira vata kece mai na nodra turaga na Isireli o Tevita na tui, kei ira na bete, vata kei ira na Livai.
3A sa wiliki ira taucoko na Livai tagane era yabaki 30 ka qase cake. Na kedra i wiliwili taucoko e 38,000.
4A sa lesia na tui e lewe 24,000 me ra liutaka na cakacaka ni vale i Jiova, e lewe 6,000 me ra vunivola ka vakataulewa ena veileti,
5e 4,000 me ra yadrava na matamata, ka lewe 4,000 me ra dau vakacaucautaka na Kalou ena sere kei na i vakatagi sa vakarautaka na tui me baleta na i naki oqo.
6A sa wasei ira vakatolu na Livai o Tevita me vaka na nodra dui mataqali: o Kerisoni, o Koaca, kei Mirari.
7E rau lewe rua na luve i Kerisoni tagane: o Latani vata kei Semeai.
8E ratou lewe tolu na luve i Latani tagane: o Jieli, kei Secami, vata kei Joeli,
9ka ratou turaga ni mataqali eso era kawa i Latani. (E ratou lewe tolu na luve i Semeai tagane: o Silomeci, kei Esieli, vata kei Arani.)
10E ratou lewe va na luve i Semeai tagane: o Jeaci, kei Sina, kei Jiusi, vata kei Piria, me vaka na veitarataravi ni nodratou yabaki ni bula.
11A sega soti ni levu na kawa nei Jiusi kei Piria, ka rau sa wili vata ga kina me dua ga na mataqali.
12E ratou lewe va na luve i Koaca tagane: o Emirami, o Isari, o Epironi vata kei Usieli.
13Na nona ulumatua o Emirami sa tamadrau o Eroni vata kei Mosese. (A sa tawasei tani o Eroni kei na nona kawa, ni ra sa lesi vakadua me ra dauvakacabora na veika sa vakatabui, me ra dau vakama na veika boi vinaka ena qaravi ni sokalou vei Jiova, me ra dautukuna na vosa ni veivakalougatataki vei ira na tamata ena vuku ni yacana.Lako 28.1
14Ia oi rau na luve i Mosese, na tamata ni Kalou, erau sa wili vei ira na Livai.)
15E rau lewe rua na luve i Mosese tagane, o Kerisomi vata kei Iliesa.
16A sa veiliutaki vei ira na luve i Kerisomi o Sipueli.
17A sa duabau ga na luve i Iliesa tagane o Riapaia, ia sa lewe vuqa na kawa i Riapaia.
18Na i karua ni luve i Koaca tagane o Isari, a sa duabau ga na luvena tagane o Silomeci, o koya na turaga ni mataqali o koya.
19Na i katolu ni luve i Koaca tagane, o Epironi, eratou sa lewe va na luvena tagane: o Jiraia, o Amaraia, o Jesieli vata kei Jikamiami.
20Na i kava ni luve i Koaca tagane, o Usieli, e rau lewe rua na luvena: o Maika vata kei Isia.
21E rau sa lewe rua na luve i Mirari tagane: o Mali vata kei Musi. E lewe rua talega na luve i Mali tagane: o Iliesa vata kei Kisi,
22ia sa mate o Iliesa ka sega ni vakaluveni tagane: a vakaluveni yalewa ga. Era a vakawati tale kei ira na wekadra voleka o ira na luvena yalewa, o ya na luve i Kisi tagane.
23E ratou sa lewe tolu na luve i Musi tagane, na i karua ni luve i Mirari tagane: o Mali, o Eteri vata kei Jirimoci.
24Sa i ira oqo na kawa i Livai ena nodra dui mataqali kei na nodra dui vuvale, ka sa volai yadudua na yacadra kece. O ira yadudua na nona kawa ka ra yabaki ruasagavulu na nodra yabaki ni bula se qase cake, era a vakaitavi ena cakacaka kei na veiqaravi ena vale i Jiova.
25A sa kaya o Tevita, “Sa vakasaututaki ira na nona tamata o Jiova na nodra Kalou na Isireli, ka sa na tiko ga mai Jerusalemi o koya ka tawa mudu.
26Ia oqo, sa na sega tale ni na vinakati vei ira na Livai me ra colata na valelaca tabu kei na veiyaya kece ka dau taurivaki ena veiqaravi vua na Kalou.”Vrua 10.8
27Ena yavu ni tinitini ni lewa i Tevita, era a dau wiliki na Livai kecega ka ra sa yacova na yabaki ruasagavulu na ni nodra bula.
28Ni sa nodra i tavi me ra qaravi ira na bete ka ra kawa mai vei Eroni ena veiqaravi ena vale tabu, me ra samaka na kena loma ni bai kei na kena veirumu, ka taqomaka me savasava na veika tabu kecega.Tiko 3.5-9
29Era a dau vakarautaka na madrai tabu dau vakacabori vua na Kalou, kei na falawa vinaka ni madrali laukana, na keke mamare ka sega ni vakatubu, na ka tavuteke, na falawa waki vata kei na waiwai: ka sa nodra i tavi na vakarautaka na bibi kei na levu ni veika e vakacabori ena vale tabu.
30Me ra dau vakavinavinaka ka vakalagilagi Jiova ena veimataka kei na veiyakavi,
31kei na gauna e vakacabori kina na i soro kama vei Jiova ena siga ni vakacecegu, ena Solevu ni Vula Vou, kei na veisolevu tale eso sa lokuci. A tu na veilawa virikotori me baleta na i wiliwili ni Livai e gadrevi me vakayacora na cakacaka oqo ena veigauna. Era sa lesi na Livai me ra ia na veiqaravi ni sokalou vei Jiova ena veigauna kece sara.
32A sa soli talega vei ira na i tavi ni kena maroroi na Vale ni Veitavaki kei na Valenisoro, kei na nodra vukei na wekadra, o ya o ira na bete era kawa i Eroni, ena vuku ni veiqaravi ena vale i Jiova.
Who We AreWhat We EelieveWhat We Do
2025 by iamachristian.org,Inc All rights reserved.
