1 Veigauna Na i Vakamacala Taumada - Vakavakadewa Vou kei na iVola tale eso（FNVDC12）

Na i Vakamacala TaumadaNa i wase levu ga ni i vola ruarua ni Veika sa Caka ena Veigauna e tukuni tale kina na veika sa tukuni oti ena i vola i Samuela kei Na Kedra i Vola na Tui; ia e talanoataki mai na duatani tale na muana. E rua tiko na i naki bibi ni kena vakasokumuni na nodra i tukutuku na veiliutaki vakatui e Isireli ena i vola ruarua ni Veika sa Caka ena Veigauna me vakaoqo: (1) Me vakaraitaka ni dina ga era a sotava na leqa kei na rarawa na matanitu o Isireli kei Juta, a sa vakayacora tikoga na Kalou na nona vosa ni yalayala vei ira, ka sa cakacakataki na nona i tuvatuva me baleti ira mai vei ira sa bula tiko mai Juta. Sa dusimaki ga na veivakadeitaki oqo mai vua sa vola na i tukutuku ni Veigauna ni sa vakanamata ga ki na veika sa rawata o Tevita kei Solomoni, kei na veivakacokotaki i Josefati kei Esekaia kei Josaia, ka vakakina o ira na tamata era sa yalodina tikoga vua na Kalou. (2) Me vakamacalataki na i tekivu ni sokalou ena Valenisoro mai Jerusalemi, vakabibi na nodra cokonaki na bete kei ira na luve i Livai, o ira era a qarava na sokalou. E dusimaki eke ni o Tevita sai koya ka a tauyavutaka na vakanananu ni kena tara na Valenisoro kei na kena i valavala kece sara, ka dina ga ni sai Solomoni ka a qai tara na Valenisoro.Na Lewe ni VolaAi tuvatuva ni kawa kei na kena i vola 1.1–9.44

Na mate i Saula 10.1-14

Na gauna ni lewa i Tevita 11.1–29.30

a. Na leqa eso kei na veika sa rawata 11.1–22.1

b. Vakarautaki na tara Valenisoro 22.2–29.30