1O koya e doka na Turaga, e na cakava qo; koya e rokova na lawa, e na yalomatua.
2E na mai tavaki koya o yalomatua me vaka e tinana, e na kidavaki koya me vaka na yalewa vou vei watina.
3E na vakani koya e na madrai ni kilaka, vagunuvi koya e na wai ni vuku.
4E na ravi vua, sega ni bale; e na vakararavi vua, sega ni vakamaduataki.
5E na vakacerecerei koya me siviti ira na wekana, e na vakadalagataka na gusuna e loma ni bose.
6E na kune marau kei na reki uasivi; e na rogo tawamudu na yacana.
7Era na sega ni rawati koya na lialia, era na sega ni raici koya na valavalaca.
8E yawaki ira na viavialevu, era na sega vakadua ni nanumi koya na lasulasu.
9Na sere ni veilaveti e sega ni rakorako e gusu ni tamata valavalaca, ni sega ni vu vua na Turaga,
10baleta ni sere ni veilaveti ga e lagati e na yalomatua, e na vakamanamanataka na Turaga.
Lewa galala11 Sr 17.1-12 Kua ni kaya, “E na vuku ni Turaga au biuta kina na sala dodonu”, ni na sega ni cakava na ka e cata.
12Kua ni kaya, “Na Turaga ga e vakasesei yau”, ni sega ni yaga vua na tamata valavalaca.
13E cata matua na Turaga na ka vakasisila kece, era sega tale ga ni taleitaka o ira na dokai koya.
14O koya ga a bulia na tamata e na ivakatekivu, qai laiva me lewai koya.
15Ke lomamu, e rawa nio rokova na ivunau; nomu yalodina e vakatau vei iko.
16Sa tokara e matamu na bukawaqa kei na wai, taura e vei ga vei rau o vinakata.
17Sa tu e matada na bula kei na mate; da digitaka e dua, e na soli.
18E vakaitamera na yalomatua ni Turaga; e vakadomobula nona sau, e raica na ka kece;
19e yadravi ira na dokai koya, e kila vinaka noda ivalavala kece.
20A sega ni bau vakarota e dua me ivakarau ca, a sega tale ga ni vakatara e dua me valavalaca.
Who We AreWhat We EelieveWhat We Do
2025 by iamachristian.org,Inc All rights reserved.
