1Na luvequ, kua ni bureitaka na ka me bula kina na dravudravua, se laiva me wawa tu e dua e kere veivuke.
2Kua ni vakararawataki koya e viakana, se vakacudrui koya e leqa tu.
3Kua ni kuria na leqa ni dua sa cudru tu, se me berabera nomu soli vua e dua e kerekere voli.
4Kua ni cemuria e dua e kerekere ni leqa, se mo vakanadakuya na dravudravua.
5Kua ni vakalecalecava e dua e leqa, se cakava e dua na ka mo rulaki kina;
6ke mani rulaki iko e na yalorarawa, e na rogoca na nona masu na nona Dauveibuli.
7Saga mo lomani vei ira na lewenilotu; cuva vei ira na cecere.
8Vakatudaliga vua na dravudravua, vosa vakamalua vua e na vakarokoroko.
9Sereki koya e bikai mai na liga i koya e veibikai; kua ni yalolailai e na vakatulewa.
10Mo tamadra na luveniyali, mo vaka na watidra na tinadra;
o na qai vaka na luve i koya na Cecere Sara, e na levu na nona lomani iko, lailai na loloma nei tinamu.
Na vuku e veituberi11O vuku e vakacerecerei ira na luvena, e vukei ira era qarai koya.
12Koya e domoni koya, e domona na bula; koya e totolo nona qarai koya, e na sinai e na marau.
13Koya e vesuki koya matua, e na vakalagilagi; na vanua e curuma, e na vakalougatataka na Turaga.
14O ira na qaravi koya, era na qarava na Tabu Sara; o ira na lomani koya, e lomani ira na Turaga.
15Koya e vakarorogo vua, e na lewa na veivanua; koya e muria na lomana, e na dei nona itikotiko.
16Ke dua e vakabauti koya, e na rawati koya; e na qai nodra tale ga na nona kawa.
17E na tuberi koya taumada e na sala tatakelokelo, e na vakatubura vua na rere kei na datuvu;
e na mosi vua na nona veivakavulici me yacova ni sa nuitaki koya,
e na vakatovolei koya e na nona ivakaro.
18E na qai lesuvi koya sara me vakamarautaki koya, me vakaraitaka vua nona ivunivuni.
19Kevaka e sese, e na biuti koya, e na laivi koya me rusa.
Yalodei20Kua ni vakusakusa, qarauna na ca, kua nio vakamaduataki iko,
21ni dua na madua e kauta mai na valavalaca, e dua tale na madua e salavata mai na lagilagi kei na lomani.
22Kua ni veitotaki, o na mavoa kina; se veicavilaki, o na leqa kina.
23Kua ni galu ni dodonu mo vosa, kua ni vunitaka nomu vuku,
24ni qai kilai ga na vuku kei na vuli e na vosa.
25Kua ni saqata na dina, nanuma ga nomu lecaika.
26Kua ni madua na vakatusa na nomu cala, kua ni vorata na kui ni uciwai.
27Me kua ni lewai iko na tamata lialia, se mo totaki ira na vakaicaqe.
28Valataka na dina me yacova na mate, e na valataki iko na Turaga na Kalou.
29Kua ni dau gusu totolo, se vucesa, guce.
30Kua ni vaka na laione e nomu vale, se dau vakalewai ira nomu dauveiqaravi.
31Caka 20.35Kua ni dodo liga mo tautauri, qai qumi liga ni sa kena gauna mo solisoli.
Who We AreWhat We EelieveWhat We Do
2025 by iamachristian.org,Inc All rights reserved.
