Same 6 - Vakavakadewa Vou kei na iVola tale eso（FNVDC12）

Masu ni Kere Veivuke ni Yaco na LeqaVua na i liuliu ni sere: kei na i vakatagi vakawa; ena Seminica. A Same i Tevita.

1

2Ni lomani au, i Jiova; au sa rui malumalumu;

Ni vakaukauwataki au; ni ka'u sa oca vakaidina.

3Sa leqa vakaca sara na noqu bula taucoko.

Ena vakacava soti na kena dede, i Jiova,

O ni na wawa kina mo ni vukei au?

4I Jiova, ni lako mai ka ia na veivakabulai;

Ni vueti au mai na mate ena nomuni yalololoma.

5O ni sa sega ni nanumi ena nodra vuravura na mate;

Sa sega ni dua e rawa ni vakacaucautaki kemuni mai kea.

6Au sa oca mai ena noqu rarawa,

Ka sa vakasuasuataka na noqu i mocemoce

na wai ni mataqu ena veibogi;

Sa suasua talega vakakina na noqu i lokoloko

ena wai ni mataqu.

7Sa voleka ni'u sega ni rai rawa;

Sa vuvuce vakalevu sara na mataqu

Mai na tagi sa vu mai vei ira na kequ meca.

8

9Sa rogoca o koya na noqu tagi ni kere veivuke

Ka sa sauma ga o koya na noqu masu.

10O ira na kequ meca

Era na kila na madua mosimosi ni bula e vakadrukai,

Ka ra na lako yani vakasauri ena veilecayaki.