1Sa qai soqoni ira o Qojiasi e lima na udolu na mataivalu taubale kei na dua na udolu na mataivalu vodo ose digitaki, me gole e na bogi na iwase qo
2me kaba vakasauri na keba ni Jiu. E so na tagane mai na koronivalu e Jerusalemi eratou kauti ira yani.
3Mani rogoca o Jutasa, qai lako vata yani kei ira nona qaqa i Emeo
4me valuta kina na mataivalu ni tui ni se yali tu mai na keba na iwase ya.
5Ni curuma yani o Qojiasi na keba nei Jutasa e na bogi, a lala tu, mani vaqaqara e veidelana, ni kaya, “Era sa drovaki keda tiko na tamata qo.”
6Ni kida na mataka, sa tu e na buca o Jutasa kei na le tolu na udolu, e sega ga nira vakaisulunivalu kei na iselewau.
7Era raica nodra keba na kaitani ni viribai vinaka tu, tuva wavoki na mataivalu vodo ose; o ira qo era qaseta na ivalu.
8Qai kaya o Jutasa vei ira nona tamata, “Ni kua ni rerevaka na kedra le levu, se yalolailai nira cici mai.
9Ni nanuma nodra vakabulai na tubuda e na Wasa Damu, nira cemuri ira mai kina o Fero kei na nona mataivalu.
10Meda kaci qo i lomalagi, se na lomani keda na Kalou e na nona nanuma nona veiyalayalati kei ira na tubuda, qai qaqiraki ira na keda meca e matada nikua.
11Era na qai kila kina na kaitani kece ni dua tiko na dauveisereki e vakabulai Isireli.”
12Nira raica na kaitani nira sa cicivi ira tiko mai,
13era qai biuta nodra keba mera vala. Era qai uvu biukila na ilala i Jutasa,
14ra sa vala. Era qaqiraki na kaitani, ra dro i buca; o ira na yatu i muri ni mataivalu, era laulausua e na iselewau.
15Era cemuri ira me yaco sara i Qasara kei na veibuca kei Itumea, i Asoto kei Jaminia; era bale e le tolu na udolu.
16Era sa qai laivi ira o Jutasa kei ira nona mataivalu,
17qai kaya vei ira na lewenivanua o Jutasa, “Ni kua ni kocova na itokinivalu, nida sa vakarau vala;
18era sa torovi keda mai e na veidelana o Qojiasi kei na nona mataivalu. Meda sa vorati ira na keda meca, da valuti ira, da qai qoqota na itokinivalu.”
19Ni qai cavuka ga na vosa nei Jutasa, sa basika mai delana e dua na ilala.
20Eratou raica nira sa vakasavi nodratou mataivalu, era sa visa tiko nodratou keba o ira na Jiu, me vaka ni kubou tiko.
21Nodratou sa raica qo, ratou sa domobula; nodratou sa raica tale ga ni sa tuva tu e buca na mataivalu nei Jutasa,
22eratou sa dro kina i na vanua vakaFilisitia.
23Sa lesu mai o Jutasa me yanaraka na keba; era qoqota na koula kei na siliva, na isulu boro karakarawa kei na lokaloka, kei na iyau vakaitamera.
24E na nodra lesu tale yani, era laga sere ni veivakalagilagi i lomalagi, “ni sa rui vinaka, e tawamudu na nona loloma.”
25E dua gona na veisereki levu vei Isireli e na siga ya.
Druka o Lisiasi26Era lai vakasavu itukutuku vei Lisiasi na kaitani era dro bula.
27Ni sa rogoca, sa veilecayaki, yalolailai, ni sega ni yaco vei Isireli me vaka na nona inaki se na ivakaro ni tui vua.
28Ia e na yabaki e tarava, a vakumuna e onosagavulu na udolu na mataivalu taubale digitaki kei na lima na udolu na mataivalu vodo ose mera samuti ira.
29Era yaco i Itumea, ra keba e Becisuri, sa qai mai tu e matadra o Jutasa kei na le tini na udolu.
30 1Samu 17.41-54; 14.1-23 Ni raica na kaukaua ni mataivalu, sa qai masu vaqo, “Moni lagilagi na iVakabula kei Isireli, oni a butuqaqia na qaqa e na liga i Tevita nomuni italai, oni a solia kina na keba ni Filisitia vei Jonacani na luve i Saula, kei koya a dau kauta voli nona isulunivalu.
31Moni latia gona na mataivalu qo e ligadra nomuni tamata na Isireli, mera maduataka kina nodra mataivalu taubale kei na mataivalu vodo ose.
32Ni vakadatuvutaki ira; ni vakawaicalataka nodra yalodoudou; mera sautaninini e na nodra samulaki.
33Ni yaviti ira e na nodra iselewau na lomani kemuni, mera vakacaucautaki kemuni e na sere o ira kece era kila na yacamuni.”
34Erau sa qai veinamuraki na ito ruarua. Era bale kina e le lima na udolu na nei Lisiasi.
35Ni sa raica o Lisiasi ni sa vakalolomataki nona mataivalu, sa raica nodra doudou na tamata nei Jutasa kei na nodra bole mate, sa gole kina i Adioki me lai vaqara sotia saumi, me dua kina na mataivalu levu sara me kabai Jutia tale.
Savai ni Vale Tabu36Eratou qai kaya o Jutasa kei na tacina, “Raica, era sa druka na keda meca; tou cabe medatou samaka na vale tabu qai vakatabuya tale.
37Sa qai soqo mai na mataivalu taucoko, ra cabe i Dela i Saioni.
38Era raica ni sa lala tu na loqi tabu, sa beci na yaletare, sa kama tu na matamata. Sa tubua na kena lomanibai me vaka mai veikau se veidelana. Era raica ni sa rusa tu na vale ni bete.
39Era qai dresulaka nodra isulu, ra qoqolou e na lolosi levu, ra boro dravusa.
40Era davoraki ira e na qele, ra uvu davui, ra tagi lagalaga i lomalagi.
41Sa qai lesi ira e so o Jutasa mera valuti ira na tawana tiko na koronivalu, me yacova ni sa samaki oti na loqi tabu.
42E lesi ira na bete yalododonu dau rokova na lawa
43mera vakasavasavataka na loqi tabu, ra tokitaka na vatu sa beci i na vanua tawasavasava.
44Era veinanuyaka se cava me caka baleta na yaletare ni isoro kama sa beci.
45Era mani duavata kina me basu, de qai kedra kina na isamu ni dawa nira sa beca na kaitani. Era mani basuka na yaletare,
46maroroya na kena vatu e na dua na vanua e ganita e delana ni valenisoro, me yacova ni tadu mai e dua na parofita me lewa se cava me caka kina.
47Lako 20.25; Vrua 27.5,6Era qai taura na vatu umauma, me vaka e lavaka na lawa, ra tara tale kina na yaletare me vaka na kena e liu.
48Era tara tale na loqi tabu kei na loma ni valenisoro, ra vakatabuya na kena lomanibai.
49Era caka iyaya tabu vovou, ra tokia mai loma ni valenisoro na itutu ni kadrala, na yaletare ni mira, kei na teveli.
50Era sa qai vakama mira e na yaletare, ra vakawaqa kadrala e na kedra itutu, mani rarama kina na valenisoro.
51Era tokara na madrai e na teveli, ra birika na ilatilati. Sa mai cava kina na nodra cakacaka kece.
52 1M 1.54 E na mataka caca ni ikaruasagavulukalima ni siga ni ikaciwa ni vula, na vula i Jisilevi, e na ika148 ni yabaki,
53era tu kina mera vakacabo isoro, me vaka e lavaka na lawa, e na yaletare vou ni isoro kama era sa tara.
54E na vula kei na siga vata ga era a beca kina na kaitani, a vakatabui na valenisoro e na lagalagasere, na api, na medelini kei na sibali.
55Era davoraki ira kece e na vakarokoroko mera vakacerecerei lomalagi, na vu ni nodra sautu.
56E siga walu nodra marautaka na vakatabui ni yaletare, era vakacabo isoro kama e na marau levu;
57era vakacabora na isoro ni veisereki kei na veivakacaucautaki. Era ukutaka na mata ni valenisoro e na isala koula kei na isasabai lalai; era tara tale na matamata kei na vale ni bete, era vakaisogotaka na katuba.
58Era marau vakalevu sara na lewenivanua, ni sa savai nodra vakadukaduka na kaitani.
59Era sa mani lewa o Jutasa kei iratou na tacina kei ira na lewenivavakoso e Isireli me solevutaki siga walu e na kena vula e na veiyabaki na vakatabui ni yaletare, tekivu e na ikaruasagavulukalima ni siga i Jisilevi.
60E na gauna ya era viribaita kina na dela i Saioni e na bai cecere kei na valeniyadra kaukaua mera kua tale ni mai basuraka na kaitani.
61E lesia e dua na kena matayadra. E vakabaitaki Becisuri tale ga me dua kina na koronivalu me qara i Itumea.
Who We AreWhat We EelieveWhat We Do
2025 by iamachristian.org,Inc All rights reserved.
