1Oi kemuni na wekaqu, kevaka sa kunei ni cala e dua na tamata, mo ni vakadodonutaki koya ena yalo malumalumu oi kemuni sa tu vinaka vakayalo. Ia mo ni vakaraici kemuni de o ni mani veretaki talega.
2Ni veivuketaka na nomuni i colacola, ka mo ni vakayacora sara kina na i vunau i Karisito.
3Kevaka e dua e nanuma ni sa bau dua na ka o koya, ia ka sega tu ni bau dua na ka o koya sa vakalialiai koya tikoga vakai koya.
4Ia me dui lewai koya vakavinaka na tamata yadua; kevaka e vinaka na nona lewa, ena qai rekitaka ga na ka e cakava, ka sega ena ka e cakava na tamata tani.
5Ka ni na dui colata ga na nona i colacola na tamata yadua.
6Me dau vota na veika vinaka kecega sa tu vua o koya sa vakatavulici tiko ena veika Vakarisito vei koya sa veivakatavulici.
7Mo ni kakua ni vakaisini kemuni; ena sega ni vakalialiai na Kalou. Na ka ga e kaburaka na tamata ena tamusuka sara talega.
8Ni o koya e vakayacora na veigagadre ca vakayago, ena tamusuka na rusa mai na i tovo vakayago, ia o koya sa vakayacora na veitovo vinaka sa vuna na Yalo Tabu, ena tamusuka na bula tawamudu mai na Yalo Tabu.
9Me da kakua kina ni oca ena caka vinaka ni da na tatamusuki ena kena gauna, kevaka eda sega ni datuvu koso.
10O koya oqo me da caka vinaka kina vei ira na tamata kecega ena gauna kecega e rawa kina, ka vakauasivi vei ira era lewe ni matavuvale ena vakabauta Vakarisito.
Na i Otioti ni Vakasala kei na Loloma11Ni raica mada na mata ni vola lelevu au volavola tiko yani kina ena ligaqu dina.
12O ira era vinakata me vinaka walega na kedra i rairai vakayago era sa via vakasaurarataki kemuni mo ni cilivi, o ya me ra kakua kina ni vakararawataki ena vuku ni kauveilatai nei Karisito.
13Ni o ira sara mada ga ka sa cilivi era sega ni dau muria sara na Lawa, ia era qai gadreva ga mo ni cilivi me ra boletaka kina ni o ni sa vakamalumalumu ki na nodra i valavala oqo.
14Ia oi au, me kakua sara na ka tani me'u boletaka, na kauveilatai duadua ga ni noda Turaga o Jisu Karisito; ni sa mate kina vei au na veika vakavuravura ena vuku ni kauveilatai, ka'u sa mate vakakina oi au ki na veika vakavuravura.
15E sega ni ka bibi na cili se na tawa cili, na ka bibi ga na bula vakavoui.
16Me yaco na vakacegu kei na yalololoma vei ira kece era sa vakayacora tiko na i vakarau oqo, io vei ira kece talega na tamata ni Kalou.
17Me kakua tale e dua me qai vakararawataki au mai muri, ni ra sa vakamawe tu ga e yagoqu na i vakatakilakila ni'u sa bobula i Karisito.
18Oi kemuni na wekaqu, me tiko ena yalomuni na loloma-savu ni noda Turaga o Jisu Karisito. Emeni.
Who We AreWhat We EelieveWhat We Do
2025 by iamachristian.org,Inc All rights reserved.
