Baruki 1 - Vakavakadewa Vou kei na iVola tale eso（FNVDC12）

Vosa Taumada

1 Jere 36.4 Qo na lewe ni ivola a vola mai Papiloni o Baruki na luve i Neraia, luve i Maseia, luve i Setekaia, luve i Asatia, luve i Ilikia

2e na ikalima ni yabaki, e na ikavitu ni siga ni vula, e na gauna era vakavuai Jerusalemi kina na kai Kalidia, ra qai visa.

32Tui 24.8-17A wilika o Baruki na lewe ni ivola qo vei Jekonia na luve i Joiakimi na Tui Juta, kei ira kece era mai rogoca na ivola:

4o ira na qaqa, na luve ni tui, na qase kei ira kece na lewenivanua lelevu lalai era vakaitikotiko e Papiloni e na bati ni wai o Suti.

5Era qai tagi, ra lolo, ra masu e mata ni Turaga;

6era kumuni ilavo, era solia na ka era dui rawata;

7era qai vakauta i Jerusalemi vei Joiakimi na betelevu, na luve i Ilikia, na luve i Salumi, vei ira tale ga na bete kei ira kece na lewenivanua era tiko kei koya mai Jerusalemi.

8E na gauna vata ga e na ikatini ni siga ni Sivani, a taura o Baruki na iyaya ni vale ni Turaga a kau tani mai valenisoro, me vakalesuya i na vanua o Juta - qo na iyaya siliva a bulia o Setekaia luve i Josaia na Tui Juta

9e na nodra tu mai Papiloni o Jekonia, o ira na luve ni tui, o ira na kaivesu, o ira na qaqa kei ira na lewenivanua, ni a kauti ira kina mai Jerusalemi o Nepukanesa na Tui Papiloni.

iVola vei Jerusalemi

10Era kaya: “Keimami sa vakauta yani qo na ilavo moni volia kina na isoro kama, na isoro ni ivalavalaca, na mira, kei na sila, moni qai cabora e na yaletare ni Turaga na noda Kalou.

11Moni masulaka kina na bula nei Nepukanesa na Tui Papiloni kei na bula tale ga nei Belisasa na luvena, me na vaka na siga mai lomalagi na nodrau siga e vuravura.

12E na qai solia mai na Turaga na kaukaua, e na vakararamataki keimami, keimami na vakarurugi vei Nepukanesa na Tui Papiloni kei Belisasa na luvena, keimami na qai dau qaravi rau, keimami na kune vakacegu vei rau.

13Moni masulaki keimami vua na Turaga na noda Kalou, ni keimami sa valavalaca e matana, se bera ni seyavu nona cudruvi keimami me yacova nikua.

14Moni wilika tale ga na ivola qo keimami vakauta tiko yani, moni vakatutusa e na vale ni Turaga e na veisiga tabu lelevu kei na solevu e so.

Vakatusai na ivalavalaca

15Moni qai tukuna: “Na yalododonu e nona na Turaga na noda Kalou, ia o keda kei na kai Juta kei na kai Jerusalemi e noda tu ga na madua.

16E nodra tale ga na noda tui, na noda luve ni tui, noda bete, noda parofita kei ira na noda qase,

17nida sa valavalaca e mata ni Turaga,

18da talaidredre vua, da sega ni rogoca na domo ni Turaga na noda Kalou meda rokova na lawa sa tauca vei keda na Turaga.

19Me tekivu e na siga a tuberi ira kina mai Ijipita noda qase na Turaga me yacova nikua, eda talaidredre tiko ga vua na Turaga na noda Kalou, eda dau vakawelewele e na noda sega ni rogoca na domona.

20Vrua 28.15-68Sa tarai keda tu gona me yacova nikua na leqa lelevu kei na kalouca ase tukuna na Turaga e na gusu i Mosese nona italai e na nona tuberi ira noda qase mai na vanua o Ijipita me solia vei keda na vanua e drodro kina na sucu kei na oni.

21Eda a sega ni rogoca na domo ni Turaga na noda Kalou e na nodra vosa kece na parofita a tala mai vei keda, eda sa dui muri lomada ga e na noda qaravi ira na kalou tani kei na vakayacora na ka e ca e mata ni Turaga na noda Kalou.