1Ia ni a lesu mai o Saula ena nona cici muri ira na kai Filisitia, a qai tukuni vua, “Raica, sa tiko o Tevita mai na veikau mai Eniketi.”
2A kauta o Saula e lewe 3,000 na tamata digitaki vei ira kecega na Isireli, ka ra la'ki qarai Tevita kei ira na nona tamata ena Veivatu ni Me Kila.
3A lako mai o Saula ki na bai ni sipi ka tu ena bati ni sala, ena vanua e tiko kina e dua na qara; a curu o Saula me la'ki vakacegui koya kina. Ia ena gauna vata o ya, a sa tiko talega ena loma ni qara o Tevita kei ira na nona tamata.Same 57 (Ulutaga); Same 142 (Ulutaga)
4Era a kaya vei Tevita o ira na nona tamata, “Raica, oqo sara ga na siga ka a vosa kina vei iko o Jiova, ena nona a kaya, “Au na soli koya na kemu meca ki ligamu, ia o na cakava ga vua na ka o vinakata.” A tucake o Tevita ka la'ki musuka lo na bele ni i sulu i Saula.
5Ia e muri, a qai veivutunitaka o Tevita na nona musuka na bele ni sulu i Saula,
6ka kaya vei ira na nona tamata, “Sa vakatabuya o Jiova me vakayacora e dua na ka vakaoqo vua na noqu turaga, o koya sa lumuta o Jiova, ka me'u kakua ni dodoka vua na ligaqu me vaka ni sai koya na i lumuti i Jiova.”1Samu 26.11
7A tarovi ira na nona tamata o Tevita ena vosa oqo, ka sega ni laivi ira me ra tarai Saula.
A duri cake o Saula, ka biuta na qara ena nona sa lako yani.
8A sa muri koya yani ki tautuba o Tevita, ka kacivi Saula ka kaya, “Kemuni na noqu turaga na tui!” Ia ni rai yani ki muri o Saula, a sa cuva sobu vua o Tevita ena vakarokoroko.
9A qai vosa vei Saula o Tevita ka kaya, “A cava na vuna o ni vakarogoca kina na nodra vosa na tamata ni ra tukuna ni'u sa vinakata me'u vakamavoataki kemuni?
10O ni sa qai kila oqo ni a sa soli kemuni ki ligaqu o Jiova ena loma ni qara. Eso na noqu tamata era sa kaya me'u vakamatei kemuni, ia au a yalololoma vei kemuni ka tukuna ni'u na sega ni dodoka na ligaqu me'u vakacacana na noqu turaga, baleta ni sai kemuni na lumuti i Jiova.”
11Ia mo ni raica, tamaqu, raica na tiki ni nomuni sulu au taura tu oqo! A sa rawa vei au me'u vakamatei kemuni, ia au a qai musuka laivi ga na tikina oqo. Oqo me vakataudeitaka vei kemuni ni sa sega ni noqu i naki me'u talaidredre se vakacacani kemuni. O ni sa vakasaqarai au mo ni vakamatei au, ia sa sega ni dua na noqu cala vei kemuni.
12Me lewai koya mada e cala vei kedaru o Jiova! Me cudruvi kemuni o Jiova ena i vakarau o ni a vakayacora vei au; ia ena sega ni tarai kemuni na ligaqu.
13Me vaka e tukuna na vosa vakaibalebale makawa, ‘Sa vakasucuma ga na ca o ira na tamata ca’; ia ena sega ni tarai kemuni na ligaqu.
14O cei li e via vakamatea tiko o tui Isireli? O cei li e cemuria voli? E dua beka na koli mate? Se dua beka na kutu ni manumanu?1Samu 26.20
15Me nei Jiova na lewa, ka me vakatulewa talega kina o koya se o cei vei kedaru e cala. Me dikeva matua o koya na veika oqo, ka taqomaki au, ka vakabulai au mai na ligamuni.”
16Ia ni vosa oti vakaoqo vei Saula o Tevita, a qai kaya vua o Saula, “A domomu dina li oqori, i Tevita na luvequ?” A sa vakatekivu me tagi vakadomoilevu o Saula.
17A sa kaya vei Tevita o koya, “O sa yalododonu cake mai vei au. O sa caka vinaka vei au, ia au a qai sauma vei iko ena ca.
18O se qai vakatakila ga oqo edaidai na nomu caka vinaka vei au, ni o a sega ni vakamatei au ni a sa soli au o Jiova ki na ligamu.
19Ia kevaka sa kunea na kena meca e dua na tamata ena laivi koya li me lako vakavinaka yani? Me vakalougatataki iko o Jiova ena vuku ni ka o cakava vei au e daidai.
20Ia oqo, raica, au sa kila ni o sa na tui dina ga, io ena vakataudeitaki vei iko na matanitu o Isireli.
21Ia mo bubului mada vei au ena yaca i Jiova ni o na sega ni vakawabokotaka na noqu kawa, ka sega talega ni bokoca na yacaqu mai na vale i tamaqu.”
22A bubului vei Saula o Tevita ni na vakayacora vakakina.
Sa qai lako yani o Saula ki na nona vale, ka sa lesu tale o Tevita kei ira na nona tamata ki na nodra i vunivuni.
Who We AreWhat We EelieveWhat We Do
2025 by iamachristian.org,Inc All rights reserved.
