Yalomatua 7 - Vakavakadewa Vou kei na iVola tale eso（FNVDC12）

Na tui e vaka na tamata kece

1O yau tale ga e yalani noqu bula, vaka na tamata kece; au kawa ni isevu ni tamata buli mai na qele; au sa mai tamata e na kete i tinaqu

2e na loma ni vula tini, na ibuli dra, na vua ni wai ni tagane kei na marau ni tiko vata.

3Noqu sa sucu au sa ceguva na cagi wale, au sa tau e noda vuravura, na imatai ni rorogo ni domoqu na tagi me vakataki keda kece;

4au a ologi vakamaqosa.

5E sega na tui e duatani na itekivu ni nona bula;

6o keda kece e duavata ga na itekitekivu ni noda bula kei na kena itinitini.

E tusanaka o Solomoni nona taleitaka na yalomatua

7 1Tui 3.6-9; Ym 9.1-18 Au mani masu, qai soli vei yau na kila; au kerekere vua na Kalou, qai soli vei yau na yalomatua.

8A ka wale tale vei yau na ititoko kei na idabedabe vakatui; me icavai vei yau na iyau ni sa tiko na yalomatua?

9Au sega ni bau wiliki koya me vatu talei sau levu, ni koula kece e vaka na iluku nuku e matana, na siliva e qele wale.

10E lailai noqu domona na bula kei na matavinaka; e lailai tale ga noqu guta na rarama, ni serau ni yalomatua e sega ni mudu.

11E salavata kaya mai na veika vivinaka, e ligana na iyau sega ni wiliki rawa.

12Au marautaki ira kece baleta ni liutaki ira na yalomatua, au sega ga ni kila ni tinadra.

13Na ka au vulica e na yalosavasava, au dau solia e na yalogalala; au sega ni vunitaka na iyau levu ni yalomatua,

14baleta ni noda iyau tudei na tamata; o ira era rawata, e nodra na veitokani kei na Kalou, ni donu vua na vua ni nona veivakavulici.

15Me solia na Kalou me matau na noqu vosa, na noqu vakasama me veiraurau kei na ka au sa vulica, ni o koya e lewa mada ga na yalomatua, e vakalasui ira tale na vuku.

16Eda tu e ligana o keda kei na noda vosa, vakina na kilaka kece kei na ligamaqosa.

17O koya ga a solia vei yau meu kila vakaoti na veikabuli, meu kila na ituvatuva ni vuravura kei na kena veiveisau:

18na itekitekivu, na itinitini kei na loma ni veigauna, na veiveisau ni balavu ni siga kei na toso ni veivula,

19na cowiri ni yabaki kei na matakalokalo,

20nodra ivakarau na manumanu kei na yalodra na manumanu kila, nodra kaukaua na yalo kei na vakasama ni tamata, na veimataqali kau kei na vakayagataki ni wakadra me wai.

21Au a vulica ruarua na ka e vuni kei na ka e votu,

22ni a vakavulici yau o yalomatua, o koya e bulia na ka kece.

Na veika e kovuti e na yalomatua

E tiko vua na yalo e vuku, e tabu, e tautani, e veiyagayaki, e kilakilai dredre, e veivukiyaki, e matata, e savasava, e votu levu, e vodivodi, e lomasoli, e mamakutu, e veirawai,

23e dauveivuke, e dauloloma, e tudei, e yalodei, e yalovakacegu, e sau, e vakaraica na ka kece, e curuma na yalo kece era vuku, savasava, qai kilakila.

24O yalomatua e yavavala vakalevu duadua nona savasava, e curuma kina na ka kece.

25O koya na icegu ni kaukaua ni Kalou, na iserau savasava ni lagilagi ni Kalou sau, e sega gona kina ni dua na duka e curumi koya.

26O koya na iyaloyalo ni rarama tawamudu, na iloilo savasava ni cakacaka ni Kalou, na iyaloyalo ni nona vinaka.

27E dina ni le dua ga, na ka kece e rawata; e dina ni dua tu ga, e vakavouya na ka kece; e na veitabatamata e curuma kina na yalodra na yalododonu, vagolei ira mera itokani ni Kalou, mera parofita.

28Na Kalou e lomana vakalevu sara na tamata e taukena na yalomatua,

29ni yalomatua e rairai ca tale na matanisiga, e siviti ira na matakalokalo kece. E sivita tale ga na rarama,

30ni taravi koya na buto, ia, na ca e sega ni rawati yalomatua.