1 Veigauna 6 - Vakavakadewa Vou kei na iVola tale eso（FNVDC12）

Na Kawa ni Vuvale Vakabete Levu

1E ratou lewe tolu na luve i Livai tagane: o Kerisoni, o Koaca kei Merari,

2E ratou lewe va na luve i Koaca tagane: o Arimi, o Isari, o Epironi kei Usieli.

3E rau lewe rua na luve i Emirami tagane: o Eroni, o Mosese, ka dua na luvena yalewa o Miriama. E ratou lewe va na luve i Eroni tagane: o Netapi, o Epaiu, o Iliesa kei Icama.

4O ira na kawa i Iliesa ena kena dewa vakaitabatamata, sa vakaoqo: Finiasi, o Episua,

5o Buki, o Usai,

6o Seraia, o Miraioci;

7o Amaraia, o Eiitupi,

8o Setoki, o Eimasi,

9o Asaraia, o Jonani,

10o Asaraia (o koya ka a veiqaravi ena Valenisoro a tara o Solomoni na tui e Jerusalemi),

11o Amaraia, o Eitupi,

12o Setoki, o Salumi,

13o Ilikaia, o Asaraia,

14o Seraia, o Josateki.

15A vakabobulataki Josateki o Nepukanesa na tui, ka kauti koya vakabobula kei ira na tamata eso mai Juta, kei ira mai Jerusalemi me vaka na i naki i Jiova.

Eso Tale na Kawa i Livai

16E ratou lewe tolu na luve i Livai tagane: o Kerisomi, o Koaca, kei Mirari.Lako 6.16-19

17E ratou vakaluveni tagane tolutolu: o Kerisomi na tamadrau o Lipini, kei Semeai.

18O Koaca na tamadratou o Emirami, o Isari, o Epironi, o Usieli.

19O Merari na tamadrau o Mali kei Musi.

20O ira oqo na kawa i Kerisomi ni dewa vakaitabatamata: o Lipini, o Jeoaci, o Sima,

21o Joa, o Ito, o Sira kei Jiacirei.

22O ira oqo na kawa i Koaca ni dewa sobu vakaitabatamata: o Amenatave, o Kora, o Asiri,

23o Ilikana, o Epaiasafi, o Asiri,

24o Teaci, o Urieli, o Usaia kei Saula.

25E rua na luve i Ilikana tagane, o Amasai kei Elimoci.

26O ira oqo na kawa i Elimoci ni dewa sobu vakaitabatamata: o Elikena, o Sofei, o Neaca,

27o Eliapi, o Jiroame kei Elikena.

28E rau lewe rua na luve i Samuela tagane: o Joeli na nona ulumatua, kei Epaia na tacina.

29O ira oqo na kawa i Merari mai na dua na i tabatamata ki na dua tale: o Mali, o Lipini, o Semeai, o Usa,

30o Semea, o Akaia kei Asaia.

O Ira na Daunivakatagi kei na Sere

31O ira oqo a lesi ira o Tevita na tui me ra dau qarava na sere ena vale i Jiova mai Jerusalemi, ni sa kau oti ki kea na Kato ni Veiyalayalati.

32Era sa dau ia na qaravi ni sere ni sokalou ena mata ni Vale ni Veitavaki, ena gauna ka se bera ni tara kina o Solomoni na tui na vale i Jiova.

33Na nodra kawa na vakailesilesi ni veiqaravi sa vakaoqo:

Na mataqali i Koaca: O koya ka liutaka na i matai ni matasere sai Imani na luve i Joeli. Oqo na i sema ni nona kawa ka vakatekivu tale mai vei Jekope: o Imani, o Joeli, o Samuela,

34o Ilikana, o Jiroame, o Ilieli, o Toa,

35o Sufi, o Ilikana, o Meaci, o Amasai,

36o Ilikana, o Joeli, o Asaraia, o Sefanaia,

37o Teaci, o Asiri, o Epaiasafi, o Kora,

38o Isari, o Koaca, o Livai kei Isireli.

39Na i liuliu ni karua ni matasere o Esava. E la'ki tekivu tale na nona i yatu ni kawa vakavuvale mai vei Livai me vakaoqo: o Esava, o Berekaia, o Semea,

40o Maikeli, o Peasea, o Malikaia,

41o Ecini, o Sira, o Ataia,

42o Ecani, o Sema, o Semeai, o Jeaci,

43o Kerisomi, o Livai.

44Ia na i liuliu ni katolu ni matasere, o Icani, mai na mataqali i Mirari. E dewa lesu tale na nona kawa me la'ki tekivu mai vei Livai ka me vakaoqo: o Icani, o Kisi, o Apiti, o Maluki,

45o Esapaia, o Amasaia, o Ilikaia,

46o Amisai, o Pani, o Semeri,

47o Mali, o Musi, o Mirari, o Livai.

48Era a lesi talega o ira na wekadra na Livai ki na veicakacaka kecega ni Vale ni Kalou.

Na Kawa i Eroni

49O Eroni kei ira na nona kawa era sa dauvakama na i solisoli ni ka boi vinaka ka ra dau vakacabora na i soro kama ena dela ni cabocabonisoro. Sa nodra i tavi me ra qarava na veiqaravi kece sara ni sokalou ena Tikina Tabu Sara vata kei na vakacabori ni i soro kama sa bokoca kina na nodra i valavala ca na Isireli na Kalou. Era a vakayacora na veika oqo me vaka sa vakarota o Mosese na dauveiqaravi i Jiova.

50O ira oqo e dua na i yatu ni kawa i Eroni: o Iliesa, o Finiasi, o Episua,

51o Puki, o Usai, o Seraia,

52o Miraioci, o Amaraia, o Eitupi,

53o Setoki kei Eimasi.

Na Nodra Veikoro na Livai

54Oqo na vanua ka a soli me nodra i tikotiko na kawa i Eroni, ena mataqali i Koaca. A soli vei ira na i matai ni votavota ni vanua.

55Oqo e okati kina o Epironi ena vanua i Juta kei na kena vanua veico,

56ia na veivanua ni teitei kei na veikoro sa soli ga vei Kelevi na luve i Jifune tagane.

57A sa soli vei ira na kawa i Eroni na veikoro ni drodro oqo: o Epironi, o Lipina kei na kena vanua veico vinaka, o Jatiri, o Esitimoa kei na kena veico vinaka,

58o Ileni, o Tepiri,

59o Asani kei Peci Semesi vata kei na kedra vanua veico vinaka.

60A soli vata talega vei ira na veikoro oqo kei na kedra vanua veico mai na nodra mataqali na Penijamini: o Kipa, o Alemeci, o Anacoci. Na kena levu taucoko e 13 na veikoro me ra tiko kina na nodra veivuvale na kawa i Eroni.

61E tini na koro mai na Ra kei Manasa sa wasei mai na vakawiri madigi me soli ki na vo ni mataqali i Koaca, ka sa wasei vakavuvale.

62A sa wasei ki na veivuvale ena mataqali i Kerisoni e tinikatolu na veikoro ena i yalayala ni vanua o Isakari, o Aseri, o Navitalai, kei na Tokalau kei Manasa mai Pasani.

63Ena sala vata oqori, a sa soli talega kina e tinikarua na koro ena i yalayala ni vanua o Rupeni, o Kata, kei Sevuloni me nodra na kawa i Merari, ka sa wasei vakavuvale.

64Ena sala oqo era a solia kina na Isireli vei ira na Livai na veikoro me ra tiko kina, vata kei na vanua bulabula sa volita na koro.

65(Na veikoro ena i yalayala ni vanua o Juta, Simione, kei Penijamini, me vaka sa tukuni mai cake, e sa wasewasei talega ena sala ni vakawiri madigi.)

66Eso na vuvale ena loma ni mataqali i Koaca sa votai talega vei ira na veikoro kei na vanua bulabula ena i yalayala ni vanua o Ifereimi:

67na koro ni drodro o Sikemi ena vanua veidelana o Ifereimi, o Keseri,

68o Jokimiami, o Peci Oroni,

69o Eijaloni kei Kacarimoni.

70A soli talega me nodra na koro o Aneri kei Pilami vata kei na vanua veico sa tu volivolita na nodra vanua na i wase ni mataqali o Manasa ena ra.

71A sa soli vei ira na veivuvale ena mataqali i Kerisomi na veikoro sa cavuti oqo kei na vanua veico e vakavolivolita:

Ena nodra vanua e dua na i wase ni mataqali i Manasa ena ra: o Kolani e Pasani kei Aseteroci.

72Ena nodra vanua na mataqali i Isakari: o Ketesi, o Tapiraci,

73o Ramoci kei Anemi.

74Mai na nodra vanua na mataqali i Aseri: o Masali, o Apitoni,

75o Ukoki kei Riopi.

76Ena nodra vanua na mataqali i Navitalai: o Ketesi mai Kalili, o Amoni kei Kiriaceimi.

77A soli vei ira na vo ni veimatavuvale mai na mataqali i Merari na veikoro sa cavuti oqo kei na veivanua veico sa vakavolivolita.

Mai na nodra vanua na Sevuloni: o Rimoni vata kei Tepori.

78Mai na nodra vanua na mataqali i Rupeni, ena tai e cake, ena tokalau ni uciwai na Joritani ka siviti Jeriko yani: o Peseri ka koto ena buca cecere, o Jasa,

79o Kitemoci kei Mefeaci.

80Ena nodra vanua na mataqali i Kata: o Remoci mai Kiliati, o Meneimi,

81o Esiponi kei Jaseri.