1Au sa qai nakita me'u vakamarautaki au ka me'u raica sara mada se cava sara mada na marau. Ia au sa qai raica ni sa ka e sega ni vakaibalebale talega na ka oqo.
2Au sa qai kunea talega ni ka lialia na dredre, ka sega ni solia e dua na ka vinaka na marau.
3Sa qai vakauqeti au voli na noqu gadreva na vuku, au sa qai nakita me'u vakamarautaki au ena waini. Au a nanuma ni sai koya oqo na ka uasivi duadua e rawa ni cakava na tamata ena nona bula lekaleka ena vuravura oqo.
4 1Tui 10.23-27; 2Vei 9.22-27 Au sa qarava rawa eso na ka lelevu. Au sa tara oti na noqu veivale ka tea eso na noqu loganivaini.
5Au tea eso na noqu i teitei kei na i teitei ni vuanikau ka tea kina na veimataqali kau vuata kecega.
6Au sa qai kelia eso na i keliwai me ra vakasuasuataki kina na noqu i teitei.
71Tui 4.23Au sa qai volia eso na bobula, ka so talega na bobula era sucu ena noqu vale. Sa levu duadua na noqu manumanu mai vei ira kece na tamata era sa bula oti e Jerusalemi.
81Tui 10.10,14-22Au sa kumuna vata talega me noqu na siliva kei na koula na i vakacavacava mai vei ira na tui era qali tu ki na noqu vanua. Era sa dau mai laga sere na tagane kei na yalewa me ra vakamarautaki au, ka bini tu vei au na yalewa kecega e rawa me vinakata e dua na tagane.
9 1Vei 29.25 Au a yaco me'u cecere ka cecere duadua vei ira kece era sa bula oti e Jerusalemi, ka sega talega ni takali vei au na noqu vuku.
10Na ka kecega au vinakata au rawata. Au sega ni cakitaka ki na noqu bula e dua na mataqali marau. Au sa dau cibitaka na ka kecega au rawata, ka sai koya oqo na kequ i sau.
11Ia au sa qai vakasamataka na veika kecega au sa cakava kei na kaukauwa ni noqu cakacakataka, ia au sa qai kila ni sega ga na kena i balebale. Au vaka voli ga na vakatobo cagi, sa sega kecega na kena yaga.
12Ia e muri au sa qai raica ni dua na tui ena rawa wale ga ni cakava na veika era sa cakava oti na tui e liu. Ia au sa mai tekivu vakasamataka yani se cava na i balebale ni vuku, se na lialia se na sesewa.
13Au sa qai kunea ni vinaka cake na rarama mai na butobuto.
14Sa rawa vei ira na vuku me ra raica na vanua me ra lako kina, ia era sa sega ni raica rawa na tamata lialia. Ia au sa kila talega ni sa tautauvata ga na ka dredre era na sotava vata kecega na vuku kei na lialia.
15Ia au sa qai vakasamataka e lomaqu, ni ka ena yacovi ira na lialia ena yacovi au talega. Ia na cava mada na kena yaga vei au na noqu vuku? Au a qai kaya, E sega sara ga ni dua na kena yaga vei au.
16E sega ni bau dua e nanumi ira na lialia. Eda na guilecavi kecega ena gauna mai muri. Eda na mate vata kecega na vuku kei na lialia.
17Na ka oqo sa sega kina ni vakaibalebale vei au na bula baleta ni veika kecega ni bula sa kauta mai vei au na leqa. Sa sega kecega na kena yaga, ka'u sa vaka ga na vakavesuka na cagi.
18E sega ni dua na ka au cakacakataka se rawata me vakaibalebale vei au baleta ni'u kila ni'u sa laiva tu ga mai vei koya ena tarovi au,
19ka na rawa beka me na vuku o koya ena ka kece au a cakacakataka, na ka kece sa rawata vei au na noqu vuku e vuravura oqo. Na ka kecega oqo sa sega ga na kena yaga.
20Au sa qai mai veivutunitaka yani na noqu a sa rui cakacaka vakaukauwa.
21O a cakacakataka beka e dua na ka ena nomu vuku taucoko, nomu kila-ka taucoko, kei na nomu maqosa kece sara, ia o na qai laiva tu vei ira eso era sega ni daucakacaka. Sa sega sara ga na kena yaga ka sega ni dodonu.
22O cakacaka ka nuiqawaqawa ena nomu i lakolako ena bula oqo; na cava li e tu vei iko me vakaraitaka kina?
23Jope 5.7; 14.1Na veika kece o cakava ena gauna kece ni nomu bula e sega ni kauta mai e dua na ka, na nuiqawaqawa ga kei na mosi ni yalo. E sega sara mada ga ni vakacegu rawa na yalomu ena bogi. Sa sega kecega na kena yaga.
24 Dvu 3.13; 5.18; 9.7; Aisea 56.12; Luke 12.19; 1Kori 15.32 Na ka uasivi duadua e rawa ni cakava e dua na tamata, sai koya me kana, gunu, ka me marautaka na veika e rawata. Ia au sa qai la'ki nanuma ni ka talega oqo e taka mai vua na Kalou.
25Ia kevaka e sega o koya na cava o na kania se marautaka?
26Jope 32.8; Vbale 2.6Sa solia na Kalou na vuku, na kila-ka kei na marau vei ira sa vinakata. O koya a vakacakacakataki ira na tani me ra rawa ka, ka maroroya, me na rawa ni solia na ka era rawata vei ira tale eso sa vinakata vakalevu cake o koya. Sa sega kecega na kena yaga. Sa vaka ga na vakatobo cagi.
Who We AreWhat We EelieveWhat We Do
2025 by iamachristian.org,Inc All rights reserved.
