1Ni vakabulai au na Kalou!
Sa yaco sara ga na wai ki domoqu;
2Au sa lutu dromu ena vanua lolobo,
Ka sa sega na vanua me'u tu rawa kina.
Au sa yaco ki na vanua titobu
Ka ra sa vakarau dromuci au na ua.
3Au sa oca mai ena tagica na veivuke,
Ka sa mosi mai na noqu i tilotilo,
Sa malumalumu mai na kaukauwa ni mataqu,
Ena vakaraica tiko na nomuni veivuke.
4 Same 35.19; Joni 15.25 O ira era sa cati au wale ga ka sega na vuna
Era sa lewe vuqa cake ka lailai na drau ni uluqu;
Era sa tamata qaqa na via vakarusai au,
O ira era sa ravuti au ena lasu.
Era sa vakasuka tale na veika au a sega ni butakoca.
5Kemuni na Kalou,
Sa sega ni vunitaki vei kemuni na noqu i valavala ca;
O ni sa kila deivaki na noqu lecaika!
6Ni kakua ni laivi au me'u vakavuna na nodra madua
na tamata era sa vakadinati kemuni,
Na Turaga o Jiova ni lewevuqa!
Ni kakua ni laivi au me'u vakavuna na nodra madua
na tamata era sa dau sokalou vei kemuni,
Oi kemuni na Kalou ni Isireli!
7Ena vukumuni ga au sa vakacacani kina
Ka sa luvuci kina ena madua.
8Au sa vaka na vulagi vei ira na taciqu,
Ka vaka e dua na kai tani mai na noqu vuvale.
9 Joni 2.17; Roma 15.3 Sa kama voli ga e lomaqu me vaka na bukawaqa
na noqu gagadre kaukauwa ena vuku ni nomuni vale tabu;
Ka sa tau vei au na nodra vosa ca o ira sa vakacacani kemuni.
10Au sa vakayalomalumalumutaki au ena lolo;
Ka ra sa vakacacani au na tamata.
11Au sa vakaisulutaki au ena i sulu ni vakaloloku,
Ka ra sa vakalialiai au.
12Era sa veivosakitaki au ena veigaunisala,
Ka ra bulia na kequ sere na daumateni.
13Ia oi au, au na masu ga vei kemuni Jiova,
Ni rogo mai, na Kalou, ena gauna ga o ni digitaka.
Ni rogoci au mai ena vuku ni nomuni loloma tudei,
Ni o ni sa yalodina ki na nomuni i yalayala mo ni veivakabulai.
14Ni vakabulai au mai na noqu lutu dromu ki na vanua lolobo;
Ni taqomaki au mai vei ira na kequ meca kei na wai titobu.
15Ni kakua ni laiva na waluvu me luvuci au;
Ni kakua ni laivi au me'u lutu dromu ena wai titobu,
Se me sogolati au ena loma ni bulubulu.
16Ni sauma mai na noqu masu, i Jiova,
ni sa rui uasivi ga na nomuni loloma tudei;
Ni golevi au mai me vaka na levu ni nomuni yaloveivosoti.
17Ni kakua ni vunitaki kemuni mai vei au na nomuni dauveiqaravi;
Sa tarai au na leqa levu — mo ni rogoci au totolo mada mai!
18Ni lako mai vei au ka mai vakabulai au;
Ni sereki au mai vei ira na kequ meca.
19O ni sa kila na noqu vakacacani,
Na noqu vakamaduataki ka beci;
O ni sa raici ira kecega na kequ meca.
20Sa voroka na yaloqu na veivakacacani,
Ka'u sa malumalumu sara kina
Au a nuitaka me'u bau lomani, ia sa qai sega ni vakakina;
Au a vaqara na vakacegu, ia au sa sega ga ni kunea.
21 Maciu 27.48; Mari 15.36; Luke 23.26; Joni 19.28,29 Ni'u a viakana, era a qai solia vei au na ka gaga;
Ni'u a viagunu, era a qai solia vei au na wai wiwi.
22 Roma 11.9,10 Me qai yaco me vu ni nodra rusa na nodra kana magiti,
Kei na nodra solevu me vu ni nodra bale.
23Ni vakamatabokotaki ira me ra kua ni rai rawa!
Ni cakava na dakuna me malumalumu tikoga!
24Ni sovaraka vei ira na nomuni cudru;
Ka me qai vakatauci vei ira na nomuni cudru waqawaqa.
25 Caka 1.20 Me biu lala tu mai na nodra keba;
Ka me sega ni dua me vo bula ena nodra valelaca!
26Era sa vakararawataki na tamata o ni sa totogitaka;
Ka veivosakitaka na nodra rarawa o ira o ni sa vakamavoataka.
27Ni maroroya na i tukutuku kece ni nodra i valavala ca;
Kakua ni vakatara me ra vakaivotavota ena nomuni veivakabulai.
28 Lako 32.32; Vtaki 3.5; 13.8; 17.8 Me bokoci laivi na yacadra mai na i Vola ni Bula,
Ka me ra kakua ni volai ena kedra i vola na nomuni tamata.
29Ia oi au, au sa vakaloloma ka levu na noqu mosi;
Ni vueti au cake, oi kemuni na Kalou, ka vakabulai au!
30Au na vakacaucautaka ga na Kalou ena sere;
Ka'u na tusanaka na nona cecere ena noqu vakavinavinaka vua.
31Oqo ena vakalomavinakataki Jiova vakalevu cake
Ka lailai na kena vakacabori e dua na bulumakau ki vua,
Se na kena cabori vua e dua na bulumakau levu ka taucoko.
32Ni ra sa raica o ira na vakaloloma na ka oqo, era na marau;
Era na vakayaloqaqataki o ira na dau cuva vua na Kalou.
33Sa dau rogoci ira sa vakaleqai ka gagadre voli o Jiova,
Ka sega ni guilecavi ira na nona tamata era sa tiko vakavesu.
34Me vakacaucautaka na Kalou o lomalagi kei na vuravura,
Na wasawasa kei na veika bula kecega sa tu kina.
35Ni na vakabulai Saioni na Kalou,
Ka tara cake tale na veikoro e Juta;
Era na tiko kina na nona tamata ka taukena na vanua.
36O ira na nona kawa na nona dauveiqaravi era na taukena,
Ka ra na vakaitikotiko e kea o ira era sa lomani koya.
A Masu ni Kere VeivukeVua na i liuliu ni sere. A nei Tevita. E dua na vakatakekere.
Who We AreWhat We EelieveWhat We Do
2025 by iamachristian.org,Inc All rights reserved.
