1Kalougata o koya e sega ni vosa siri, e sega na cala me rarawa kina.
2Kalougata o koya e sega ni beitaki koya na lomana, se vakanuinui tiko ga.
Vakayagataki vakadodonu ni iyau3E sega ni rakorako me vakaiyau na tamata buroburogo; na cava na yaga ni iyau vua na tamata yalovuvu?
4O koya sa vakaiyau e na vakuai koya, sana nodra na tani nona iyau; era na bula sautu kina.
5Ke dua e vakuai koya e na yaloburoburogo, e na lomani cei? E na sega ni marautaka na nona iyau.
6O koya e mamaqi vei koya sara ga, e tamata buroburogo duadua; e na sauti koya nona yaloca.
7Kevaka mada ga e caka vinaka, e sega ni nakiti; e na qai kune ga na nona yaloca.
8E tamata ca o koya e burebureitaki, e rai tani, sega ni veikauaitaki.
9Na tamata kocokoco e didivaka nona ivota, na caka nona e vakamate yalo.
10Na tamata buroburogo e bureitaka na madrai, e sega e na nona teveli ni kana.
11Na luvequ, maroroi iko e na kena vinaka o rawata, cabora vua na Turaga na isolisoli e ganita.
12Nanuma ni na sega ni vakadarodaro o mate, se vunitaki vei iko na lewa mai bulu.
13Lomana nomu itau ni bera nio mate, dodo liga vua me vaka o rawata.
14Kua ni vakuai iko e na siga ni marau; me kua ni cawadru e ligamu na nomu ivota.
15E na sega beka ni nona tale e dua na vua ni nomu buno se me vakawirimadigitaki na iyau o sa bunotaka?
16Mo soli iloloma, mo ciqoma, mo yalovakacegu, ni na sega na marau e na vanua ni mate.
17Na veikabula kece e na madra vaka na isulu, ni lawa makawa, “O na mate dina ga!”
18Me vaka na vunikau bulabula, era mira e so na drauna, ra tubu tale mai e so,
e vaka kina na itabatamata: e mate e dua, sucu tale e dua.
19Na ka kece e bulia na tamata, e na vuca mai, e na oti; e na yali vakina o koya a bulia.
Kalougata o koya e yalomatua20 Vbale 8.32-35 Kalougata o koya e vakasamataka na yalomatua, o koya e vakasama vakavuku.
21O koya e dikeva na imoimoi ni yalomatua, e na vakasamataka na kena ivunivuni.
22Qara na yalomatua me vaka na dauvakasasa; waraki koya lo e nona sala.
23O koya e iro e na nona katubaleka, e na vakarorogo tale ga e nona katubalevu;
24o koya e mai biri valelaca e yasa ni nona vale, e na vako na kena wa e nona lalaga;
25e na biri valelaca e yasana, sana dua na icili uasivi;
26e na vakarurugi ira na luvena e rukuna, e na yaumoce e ruku ni tabana;
27e na vakaruru vua mai na katakata, e na tiko e na nona lagilagi.
Who We AreWhat We EelieveWhat We Do
2025 by iamachristian.org,Inc All rights reserved.
